ТОШКЕНТ, 2 апр — Sputnik. "Ўзбекистон темир йўллари" Тошкент Жанубий вокзалидан қайси поездлар жўнатилиши ва кутиб олиниши ҳақида хабар берди, деб ёзади "Зарафшон" нашри.
Демак, Тошкент Жанубий вокзалидан қуйидаги йўналишлар бўйича поездлар жўнатилади ва кутиб олинади:
Тошкент — Урганч; Тошкент — Бухоро; Тошкент — Андижон; Тошкент — Қўнғирод; Тошкент — Термиз; Тошкент — Сариосиё; Андижон — Бухоро;
Андижон — Урганч; Андижон — Термиз; Тошкент — Бухоро (шарқ); Тошкент — Термиз (Насаф); Тошкент — Андижон (O`zbekiston)
Шаҳарлараро қатновчи йўловчи поездлар:
Тошкент — Ходжикент; Тошкент — Ховос; Тошкент — Бекобод; Тошкент — Сирдарё; Тошкент — Гулистон
Тошкент Жанубий вокзали Ўзбекистон Республикаси Вазирлар Маҳкамасининг тегишли қарорига мувофиқ замонавий архитектура талаблари асосида тубдан рекострукция қилинди. Вокзалнинг умумий майдони 9,2 гектар бўлиб, 650 метрлик 3 та перронга эга.