ТОШКЕНТ, 30 мар — Sputnik. "Скрипал иши" туфайли қатор мамлакатлар Россия дипломатик ваколатхоналари вакилларини чиқариб юборган эди. Бу чораларга жавоб тарзида Москва ҳам қатор мамлакатлар дипломатларини чиқариб юбормоқда.
Ушбу чоралар жавоб чораси характерига эга. Хусусан, Россияни 13 нафар Украина дипломатлари, тўрт нафар Польша, уч нафардан Литва ва Чехия ҳамда бир нафар Латвия дипломатлари тарк этишлари лозим.
Шунингдек, Нидерландия дипломатик миссиясининг икки ходими, бир нафар Швеция ходими ҳамда Эстония ҳарбий атташеси Тоомас Педа тарк этади.
Уларнинг барчаси 5-7 апрел саналарига қадар Россиядан чиқиб кетишлари лозим.
Шунингдек, Россия ТИВ Лондондан дипломатлар ва маъмурий ходимлар сонини Британияда фаолият юритаётган россияликлар сонига тенглаштиришни талаб қилмоқда. Бу учун Лондонга бир ой вақт берилмоқда.
Скрипал иши
Тўртинчи март куни Разведка бош бошқармаси собиқ полковниги Сергей Скрипаль ва унинг қизи Юлияни Британиянинг Солсбери шаҳри марказида ҳушсиз ҳолатда топишади. Британия ҳукуматига кўра, собиқ агент совет даврининг "Новичок" дастури доирасида ишлаб чиқарилган модда билан заҳарланган. Шу билан бирга СССРда бу номли кимёвий қурол бўлмаган, токсинларни белгилаш учун рақамлар ишлатилган.
Умумий ҳисобда дипломатик вакиолатхоналарни Россия ТИВнинг 150дан ортиқ ходимлари тарк этишади.
Эслатиб ўтамиз, илгарироқ Россия ТИВ америкалик элчи Жон Хантсманни чақиртирган эди. АҚШ элчисига олтмиш нафар америкалик дипломатлар Россиядан чиқариб юборилиши ва Санкт-Петербург шаҳридаги АҚШ ваколатхонаси ёпилиши ҳақида эълон қилинди.