ТОШКЕНТ, 26 мар — Sputnik. 26 март куни Ўзбекистон президенти Шавкат Мирзиёев сиёсий масалалар бўйича АҚШ Давлат котиби ўринбосари Томас Шэннонни қабул қилди, деб хабар қилмоқда президент матбуот хизмати.
"Президент Трамп Ўзбекистон Президентига чуқур ҳурмат билан қарайди. Улар илк бор Ар-Риёдда учрашишди. Кейин яна бир неча учрашувлар бўлди. Ҳар доим барча масалалар бўйича ўзаро англашув бўлган.
Яхши қўшничилик сиёсати жуда муҳим қадам. Бунинг учун Президент Шавкат Мирзиёевнинг жасорати ва қатъиятига тан бериш керак. Бу Афғонистон масаласига бағишланган конференцияни ташкил этишда ҳам намоён бўлди. Жудаям муҳим, айтиш мумкинки, революцион бундай қадамлар кўплаб қийин масалаларни ҳал этиш ва муносабатларни яхшилашга хизмат қилади", — деган ўз нутқи давомида.