Жириновский сайловларда ғолиб чиқса, энг қаттиқ диктаторлик режимини жорий этмоқчи

13:26, 1 Март 2018
© Sputnik / Сергей Пятаков
/
Медиабанкка ўтиш
Жириновский шунингдек, "Россия бой давлатга айланганда" "энг кучли иккита партияни" ташкил қилишни режалаштираётганини маълум қилди
Sputnik

ТОШКЕНТ, 1 мар — Sputnik. Россия президентлигига номзод Владимир Жириновский агар сайловда ғолиб чиққудек бўлса, мамлакатда энг қаттиқ диктаторлик режимини киритиш ваъдасини берди, деб хабар қилди РИА Новости.

Ксения Собчак Россия президенти бўлмоқчи
19 Октябр 2017, 11:30
"Мен куч ишлатиш методи билан мамлакатдаги аҳволни ўзгартираман, мен ҳаммани жазолайман — олигархларни ҳам, умуман барча қўли эгриларни жазолайман, чет элдаги пулларни қайтараман. Демократия шароитида бунинг иложи йўқ, шу боис мен энг қаттиқ диктаторлик режимини жорий этаман", — деган Жириновский Россиянинг Биринчи каналида ўтказилган дебатлар давомида.

Жириновский шунингдек, "Россия бой давлатга айланганда" "энг кучли иккита партияни" ташкил қилишни режалаштираётганини маълум қилган.

"Ҳар гал мана шу партиялар вакиллари президент бўлади", — деб қўшимча қилган ЛДПР етакчиси.

Эслатиб ўтамиз, Россия президентлигига сайловлар 18 март куни бўлиб ўтади. Саккиз киши номзод тариқасида рўйхатга олинган: Сергей Бабурин ("Российский общенародный союз" партияси), Павел Грудинин (КПРФ), Владимир Жириновский (ЛДПР), Владимир Путин (мустақил номзод), Ксения Собчак ("Гражданская инициатива"), Максим Сурайкин ("Коммунисты России"), Борис Титов (Партия роста), Григорий Явлинский ("Яблоко").

 

ДунёдаСиёсат