ТОШКЕНТ, 16 фев — Sputnik. Sputnik радиосида суҳбатда Альбир Крганов Ўрта Осиёда, хусусан, Ўзбекистонда қадимдан ўта кучли анъанавий ислом диний мактаблари бўлганлиги ҳақида айтиб ўтди.
"Мен ўз фаолиятим тақазоси билан Жамоатчилик палатасида радикал исломга қарши курашиш билан шуғулланаман. Биз унинг асл илдизи нимада, унга қарши қай тарзда кураш олиб бориш деган саволларни ўзимизга берганмиз. Биз бу борада Ўзбекистондан тажриба ўрганишимиз лозим. Экстремизмнинг давоси — Бухоро диний мактабларида, Шарқнинг буюк ҳадисшунос олимлари меҳнатларида, биринчи навбатда Муҳаммад ал-Бухорийнинг асарларидадир", — деб таъкидлади муфтий.
У шунингдек, муқаддас қадамжоларни зиёрат қилиш кишини маънавий-ахлоқий жиҳатдан чиниқтириши, анъанавий ислом анъаналари билан яқиндан таништиришини таъкидлади. Радикал ислом тарғиботчилари эса, аксинча, муқаддас қадамжолар, хусусан, ислом маданиятининг буюк намоёндалари қабрларини зиёрат қилишни ва уларга сиғинишни таъқиқлайди.