ТОШКЕНТ, 29 янв — Sputnik. "Ўзбеккино" агентлиги кўп қисмли "Матизнинг саргузаштлари" мультфильмини суратга олади.
11 Декабр 2017, 11:19
"Ўзбеккино" Миллий агентлиги бадиий кенгаши томонидан муаллиф Исмоил Шомуродовнинг "Матизнинг саргузаштлари" номли кўп қисмли мультфильм сценарийси маъқулланди, деб хабар берди агентлик ахборот хизмати.
Анимацион фильмнинг қаҳрамонлари — Ўзбекистонда ишлаб чиқариладиган автомобиллар бўлиб, унда бош қаҳрамон — кичкинтой «Матиз» билан боғлиқ қизиқарли саргузаштлар ҳикоя қилинади. Фильмни яратишга Абдулатиф Ҳайдаров бошчилигидаги аниматорлар гуруҳи ҳамда рассом Зилола Ҳамидова жалб қилинган.
Ҳозирда мультфильмнинг дастлабки 6 қисми бўйича ишлар бошлаб юборилди. Йил сўнгига қадар янги мультфильм болажонлар эътиборига ҳавола этиш режалаштирилган.