Сирдарё делегацияси Хитой агротехнологиялари билан танишди

© Сирдарё вилояти ҳокимлигиСирдарё делегацияси Хитой агротехнологиялари билан танишди
Сирдарё делегацияси Хитой агротехнологиялари билан танишди - Sputnik Ўзбекистон, 1920, 23.05.2026
Oбуна бўлиш
Учрашувда Хитойда қўлланилган самарали қишлоқ хўжалик технологияларини Сирдарё вилоятида ҳам қўллаш масалалари кўриб чиқилди.
ТОШКЕНТ, 23 май — Sputnik. Сирдарё вилоят ҳокими Эркинжон Турдимов бошчилигидаги делегация Хитойнинг Қашғар шаҳридаги Jiangguoguo Agricultural Technology ҳамда Шулэ туманида жойлашган Shandong Shuifa Group фаолияти билан танишди.
Ташриф давомида қишлоқ хўжалиги маҳсулотларини қайта ишлаш, қуритиш ва экспортга тайёрлаш жараёнлари ўрганилди. Шунингдек, далаларда сув тежовчи технологияларни қўллаш, замонавий суғориш тизимлари ва юқори самарадор агротехнологиялар амалда кўриб чиқилди.
Делегация инновацион ечимлар асосида ишлаётган замонавий иссиқхоналар фаолияти билан ҳам танишиб, маҳсулдорликни ошириш, экспортбоп маҳсулот етиштириш ва сувдан самарали фойдаланиш бўйича фикр алмашди.
Учрашувларда Сирдарё вилоятида ҳам ана шундай илғор тажрибаларни жорий этиш, қўшма лойиҳаларни амалга ошириш ва агросаноат соҳасида ҳамкорликни кенгайтириш масалалари муҳокама қилинди.
Янгиликлар лентаси
0