https://sputniknews.uz/20260212/tashkent-fotorossomlar-havaskorlar-korgazma-55640642.html

Тошкент Фотосуратлар уйида фоторассомлар ва ҳаваскорлар қўшма кўргазмаси очилди

Тошкент Фотосуратлар уйида фоторассомлар ва ҳаваскорлар қўшма кўргазмаси очилди

Sputnik Ўзбекистон

11 февраль куни Тошкент Фотосуратлар уйида “Фотороссомлар шўъбаси” аъзолари ва ҳаваскор фотографлар иштирокида қўшма ҳисобот кўргазмаси очилди. Экспозицияда замонавий фотографиянинг турли жанр ва услублари намойиш этилмоқда.

2026-02-12T19:21+0500

2026-02-12T19:21+0500

2026-02-12T19:21+0500

кўргазма

фото

тошкент

мултимедиа

sputnik

ўзбекистон

санъат

расм

рассом

https://cdn1.img.sputniknews.uz/img/07ea/02/0c/55647338_0:178:3009:1871_1920x0_80_0_0_512e06f707fb5396849f9bebbeb70b43.jpg

ТОШКЕНТ, 12 фев — Sputnik, Баҳром Ҳатамов. Кеча, 11 февраль куни, соат 17:00 да Тошкент Фотосуратлар уйида Ўзбекистон Бадиий академияси ҳамда Ўзбекистон Бадиий ижодкорлар уюшмаси ҳамкорлигида ташкил этилган “Фоторассомлар шўъбаси” аъзоларининг ҳисобот кўргазмаси ва ҳаваскор фотографлар қўшма экспозициясининг очилиш маросими бўлиб ўтди.Йиллар давомида мазкур лойиҳа профессионал ва ҳаваскор ижодкорларни бирлаштирувчи барқарор ижодий платформага айланган.Бу галги кўргазмада 22 нафар “Фоторассомлар шўъбаси” аъзоси ва 79 нафар ҳаваскор фотограф иштирок этди. Умумий ҳисобда 438 та ижодий иш намойиш қилинмоқда.Иштирокчилар географияси ҳам кенгайиб, Ўзбекистондан ташқари АҚШ, Исроил, Россия ва Мўғулистондан ижодкорлар қатнашди. Бу эса лойиҳанинг халқаро маданий алмашинувга очиқлигини яққол кўрсатади.Экспозицияда замонавий фотографиянинг турли жанр ва услублари ўз ифодасини топган. Портретлар, жанр саҳналари, манзаралар, спортга бағишланган суратлар, репортаж туркумлари ҳамда экспериментал лойиҳалар томошабинлар эътиборига ҳавола этилди.Манзара асарларида лиризм ва реализм билан бир қаторда импрессионистик элементлар ҳам сезилади. Айрим муаллифлар миллий маданият ва анъаналарни тасвирлашга урғу берган бўлса, бошқалар композиция, ёруғлик, фактура ва кадр тузилмаси устида изланишлар олиб борган.Кўргазмада, шунингдек, фотография ифода воситаларини янгилашга бўлган интилиш яққол намоён бўлди. Муаллифлар ранг ва ёруғлик билан тажриба ўтказиб, замонавий технологиялар ҳамда ностандарт ёндашувлардан самарали фойдаланган.Тан олинган усталар билан бир қаторда, эндигина ўз йўлини бошлаётган, бироқ ижодий салоҳияти билан ажралиб турган ёш ҳаваскорларнинг ишлари ҳам намойиш этилди.Мазкур уйғунлик фотографияни доимий равишда ривожланиб бораётган санъат тури сифатида кўрсатди. Кўргазма томошабинларга замонавий фотографиянинг интеллектуал ва эстетик хилма-хиллигини ҳис қилиш имконини берди.Кўргазма 11-22 февраль кунлари давом этадиМанзил: Тошкент шаҳри, Истиқбол кўчаси, 4-уй.Иш вақти: ҳар куни 10:00 дан 17:00 гача (душанба — дам олиш куни).Кириш бепул.

ўзбекистон

2026

Янгиликлар

uz_UZ

ўзбекистон бадиий академияси ўзбекистон бадиий ижодкорлар уюшмаси фотороссомлар шўъбаси тошкент фотосуратлар уйи ҳисобот кўргазмаси замонавий фотография халқаро иштирок маданий тадбир фото