https://sputniknews.uz/20260131/estampning-qaytishi--ustoz-va-shogirdlar-muloqoti-55371520.html

"Эстампнинг қайтиши" — устоз ва шогирдлар мулоқоти

"Эстампнинг қайтиши" — устоз ва шогирдлар мулоқоти

Sputnik Ўзбекистон

Ўзбекистон Бадиий академияси Икуо Хираяма номидаги Халқаро маданият карвонсаройида профессор Аслиддин Калонов ва унинг шогирдлари иштирокида “Эстампнинг қайтиши” номли графика кўргазмаси очилди.

2026-01-31T15:25+0500

2026-01-31T15:25+0500

2026-01-31T15:29+0500

кўргазма

санъат

фото

тошкент

рассом

https://cdn1.img.sputniknews.uz/img/07ea/01/1e/55387384_0:85:1619:996_1920x0_80_0_0_c4139e753dd07e203e30a7526f4226cb.jpg

Ўзбекистон Бадиий академияси Икуо Хираяма номидаги Халқаро маданият карвонсаройида профессор Аслиддин Калонов ва унинг шогирдлари иштирокида “Эстампнинг қайтиши” номли графика кўргазмаси очилди.Ушбу кўргазма замонавий ўзбек графика санъатида классик эстамп анъаналарининг қайта жонланаётганини намоён этди. Экспозициядан профессор Аслиддин Калонов ҳамда 17 нафар талабанинг офорт, линогравюра ва литография техникасида яратилган 50 га яқин ижодий ишлар ўрин олди.Кўргазмада тақдим этилган асарлар мавзуларнинг ранг-баранглиги, техник етуклиги ва бадиий мушоҳаданинг чуқурлиги билан ажралиб туради. Ёш ижодкорлар устоз анъаналарини давом эттирган ҳолда, графика санъатига замонавий руҳ ва янгича қараш олиб киришган.Профессор Аслиддин Калонов — Ўзбекистон тасвирий санъатида ўзига хос мактаб яратган санъаткор сифатида танилган. Унинг асарлари Ўзбекистон Давлат санъат музейи, Самарқанд ва Бухоро музейлари, шунингдек, Россия рассомлар уюшмасида сақланмоқда. 2019 йилда у “Меҳнат шуҳрати” ордени билан тақдирланган.Кўргазмада Д. Абдуллаева, Х. Азимжонов, У. Истамтошев, У. Қувондиқова, К. Небогина, А. Овчинникова, М. Турабекова, К. Умарова, М. Алиева, М. Азимова, Ж. Журабеков, Х. Жураева, Н. Икромов, Р. Қодирова, С. Паттахова, М. Худойберганов каби ёш рассомларнинг ишлари намойиш этилмоқда.Кўргазма жорий йилнинг 10 февраль кунига қадар давом этади.

2026

Янгиликлар

uz_UZ

графика санъати, эстамп, офорт, линогравюра, литография, аслиддин калонов, ўзбек тасвирий санъати, ёш рассомлар, кўргазма, бадиий академия