https://sputniknews.uz/20251013/alisher-hamdamo-korgazma-foto-52660522.html

Тошкентда Алишер Ҳамдамовнинг "Рангларда яшовчи ҳислар" кўргазмаси очилди - фото

Тошкентда Алишер Ҳамдамовнинг "Рангларда яшовчи ҳислар" кўргазмаси очилди - фото

Sputnik Ўзбекистон

Фотосуратлар уйида ёш истеъдодли рассом Алишер Ҳамдамовнинг “Рангларда яшовчи ҳислар” номли шахсий кўргазмаси ўз ишини бошлади. Экспозицияси томошабинни ҳис-туйғулар оламига чорлайди. Асарларда рангларнинг уйғунлиги, мазокларнинг шиддати ва композицион ечимларидаги аниқлик муаллифнинг етук маҳоратини намоён этади.

2025-10-13T19:47+0500

2025-10-13T19:47+0500

2025-10-13T19:47+0500

рассом

кўргазма

фото

мултимедиа

тошкент

https://cdn1.img.sputniknews.uz/img/07e9/0a/0d/52654921_0:206:3069:1932_1920x0_80_0_0_507af77ff8aba8f2cb2cea8157ba7e5b.jpg

Фотосуратлар уйида ёш истеъдодли рассом Алишер Ҳамдамовнинг “Рангларда яшовчи ҳислар” номли шахсий кўргазмаси ўз ишини бошлади. Ўзбекистон Бадиий академияси, Ўзбекистон Бадиий ижодкорлар уюшмаси ҳамда Тошкент Фотосуратлар уйи ҳамкорлигида ташкил этилган ушбу кўргазма ёш рассом Алишер Ҳамдамов ижодининг сўнгги йилларда юксак даражада шаклланган ифодасини кўрсатади. Рассомнинг “Рангларда яшовчи ҳислар” деб номланган экспозицияси томошабинни ҳис-туйғулар оламига чорлайди. Асарларда рангларнинг уйғунлиги, мазокларнинг шиддати ва композицион ечимларидаги аниқлик муаллифнинг етук маҳоратини намоён этади.Алишер Ҳамдамов ўзига хос услуб ва ифода воситаларига эга рассом сифатида танилган. Унинг “Манзилли сафар” (2025), “Мулоқот” (2024), “Мутолаа” (2024), “Савдогарлар” (2024), “Карвон” (2024) каби ишлари ранглар симфонияси орқали инсон кайфиятини ва ҳаётнинг турфа оҳангларини ифодалайди. Рассомнинг “Баҳор” (2020) асарида ёшликнинг илиқ туйғулари, “Ота” (2025)да эса умрнинг чуқур фалсафаси мужассам.Кўргазмадаги ҳар бир асар ранглар орқали ҳаёт, инсон, табиат ва туйғулар орасидаги нозик боғлиқликни очиб беради. Ҳамдамов ижоди томошабинни ўйлантиради, ранглар тили орқали ҳис этишга ундайди. Алишер Ҳамдамов 1986 йилда Фарғона вилоятининг Риштон туманида туғилган. У П. Бенков номидаги рассомлик коллежини ва Камолиддин Беҳзод номидаги МРДИни тамомлаган. 2010 йилдан Ўзбекистон Бадиий ижодкорлар уюшмаси аъзоси. Рассом халқаро миқёсдаги бир қатор кўргазма ва симпозиумларда иштирок этган, асарлари Кипр, Хитой ва бошқа давлатлардаги санъат музейлари ҳамда шахсий коллекцияларда сақланади.Кўргазма 19 октябргача қадар давом этади.

2025

Янгиликлар

uz_UZ

кўргазма тошкент рассом фото алишер ҳамдамов рангларда яшовчи ҳислар