Ўзбекистонда ўзини ўзи банд қилганлар сони 5,5 млн нафардан ошди

© Sputnik / Бахром ХатамовМастер национальной вышивки, архивное фото
Мастер национальной вышивки, архивное фото - Sputnik Ўзбекистон, 1920, 21.07.2025
Oбуна бўлиш
Ўзини ўзи банд қилган фуқаролар умумий сонининг 58 фозини эркаклар, 42 фоизини аёллар ташкил қилади.
ТОШКЕНТ, 21 июл – Sputnik. Ўзбекистонда 2025 йил 1 июль ҳолатига ўзини ўзи банд қилган шахслар 5,5 миллион нафардан ошди. Бу ҳақда Солиқ қўмитасининг матбуот хизмати хабар берди.
Қайд этилишича, бу кўрсаткич ўтган йилнинг мос даврига нисбатан 56 фоизга (2,1 млн нафар) ошган.
Ўзини ўзи банд қилган фуқаролар умумий сонининг 58 фозини эркаклар, 42 фоизини аёллар ташкил қилади.
Ўсиш кўрсаткичи энг юқори соҳалар:
маиший хизматлар — 51,4% (735,1 минг);
қишлоқ хўжалиги хизматлари — 66,1% (606,9 минг);
ишлаб чиқариш ва хизмат кўрсатиш — 64,4% (213,2 минг).
Ҳудудлар кесимида энг кўп Самарқанд вилоятида (593,2 минг киши) фуқаро ўзини ўзи банд қилган. Ундан кейинги ўринларда Тошкент (538,8 минг) ва Қашқадарё вилоятлари (517,5 минг).
2025 йилда 184,2 минг фуқаро енгил автотранспортда йўловчи ташиш фаолияти бўйича ўзини ўзи банд қилган.
2026 йил 1 январдан бошлаб ўзини ўзи банд қилган шахслар шуғулланиши мумкин бўлган фаолият турлари 104 тадан 72 тага қисқаради. Сартарошлик, репетиторлик, фото-видеочилик, копирайтерлик ва бошқалар рўйхатдан чиқариб ташланади. Аммо учта янги иш, жумладан, маркетплейсларда савдо қилиш киритилади.
Курьер на электросамокат на тротуаре. - Sputnik Ўзбекистон, 1920, 23.06.2025
Курьерлик фаолияти тартиби белгиланди — тафсилотлар
Янгиликлар лентаси
0