https://sputniknews.uz/20250717/toshkent-yuk-vagon-deposi-ayol-kran-boshqaruvchi-50610109.html
Баландлик маликаси: Тошкент юк вагон депосининг ягона аёл кран бошқарувчиси қандай ишлайди
Баландлик маликаси: Тошкент юк вагон депосининг ягона аёл кран бошқарувчиси қандай ишлайди
Sputnik Ўзбекистон
Регина Есимханова "Ўзбекистон темир йўллари" АЖнинг 1-сонли Тошкент юк вагон депосида ишламоқда. У кўприкли кран бошқарувчиси. Регина Александровна бундай мураккаб ва аёллар учун ноодатий касбни 35 йил олдин, ўша пайтда Тошкент тепловоз таъмирлаш заводида ишлаб юрган онасининг маслаҳати билан танлаган.Ўша пайтда, қайта қуриш даврида, ишончли ва барқарор ишни топиш осон эмас эди. Шунинг учун, Регина Александровна, қўлига ошпазлик билим юрти дипломини эндигина олганига қарамай, “баландликни” танлади ва бундан ҳеч қачон афсусланмади. У ишга жойлашди, кран бошқарувчилари курсларини ўтади ва пўлат қуйиш цехида амалиётни бошлади. Регина Александровна доим ўз иши ҳақида илиқлик ва алоҳида меҳр билан сўзлайди.
2025-07-17T18:31+0500
2025-07-17T18:31+0500
2025-07-17T18:31+0500
видео
ўзбекистон
тошкент
ўзбекистон темир йўллари
аёллар
https://cdn1.img.sputniknews.uz/img/07e9/07/11/50597268_0:0:1920:1080_1920x0_80_0_0_bc87301438e36b6a558c4b7d8efc3f29.jpg
Регина Есимханова "Ўзбекистон темир йўллари" АЖнинг 1-сонли Тошкент юк вагон депосида ишламоқда. У кўприкли кран бошқарувчиси. Регина Александровна бундай мураккаб ва аёллар учун ноодатий касбни 35 йил олдин, ўша пайтда Тошкент тепловоз таъмирлаш заводида ишлаб юрган онасининг маслаҳати билан танлаган.Ўша пайтда, қайта қуриш даврида, ишончли ва барқарор ишни топиш осон эмас эди. Шунинг учун, Регина Александровна, қўлига ошпазлик билим юрти дипломини эндигина олганига қарамай, “баландликни” танлади ва бундан ҳеч қачон афсусланмади. У ишга жойлашди, кран бошқарувчилари курсларини ўтади ва пўлат қуйиш цехида амалиётни бошлади. Регина Александровна доим ўз иши ҳақида илиқлик ва алоҳида меҳр билан сўзлайди.Кран бошқарувчиси бўлиш учун узоқ тайёргарлик ва ўқиш талаб қилинмайди. Аммо, бу касб жуда мураккаб. У инсондан максимал эътиборли бўлишни талаб қилади. Бундан ташқари, инсон стрессга чидамли, масъулиятли, диққатни жамлай оладиган ва, албатта, баландликни севадиган бўлиши керак. Улар учун техник хавфсизлик қоидалари - ҳаёт тарзи. Шунингдек, уларнинг касбий лексикаси ҳам бор.Кран бошқарувчилари стропалчи ва чилангарлар билан чамбарчас, 2 га 2 жадвал бўйича ишлайди. Улар ҳам иш кунлари, ҳам байрамларни депода ўтказади.Регина Александровна иш тажрибаси давомида турли хилдаги: кўприкли, “козловой”, грейфер, магнит ва бошқа кранларни бошқаришни ўрганган. Бугунги кунда унинг ўз шогирдлари ва амалиётчилари ҳам бор. Депода Регина Александровна ягона аёл кран бошқарувчисидир. Раҳбарият ва ҳамкасблар Регина Александровнани жуда ҳурмат қилади ва қадрлайди. У 2024 йилда "Дўстлик" орденига сазовор бўлди. Аммо ҳаётидаги энг катта мукофот, у ишда бўлажак турмуш ўртоғи, қўшни ғилдирак цехида ишлайдиган Алексей Есимхановни учратгани бўлди. Ушбу касбнинг ўзига хос жиҳатлари, нима учун кран бошқарувчисининг ишини заргар иши билан таққослашлари ва баландлик нимаси билан жозибали эканлиги ҳақида Sputnik Ўзбекистоннинг тўғридан-тўғри деподан тайёрланган репортажида томоша қилинг.
ўзбекистон
Sputnik Ўзбекистон
info@sputniknews-uz.com
+74956456601
MIA „Rossiya Segodnya“
2025
Sputnik Ўзбекистон
info@sputniknews-uz.com
+74956456601
MIA „Rossiya Segodnya“
Янгиликлар
uz_UZ
Sputnik Ўзбекистон
info@sputniknews-uz.com
+74956456601
MIA „Rossiya Segodnya“
Sputnik Ўзбекистон
info@sputniknews-uz.com
+74956456601
MIA „Rossiya Segodnya“
тошкент юк вагон депоси аёл кран бошқарувчиси
тошкент юк вагон депоси аёл кран бошқарувчиси
Баландлик маликаси: Тошкент юк вагон депосининг ягона аёл кран бошқарувчиси қандай ишлайди
Эксклюзив
Стрессга чидамлилик, масъулият, юқори даражадаги диққатни жамлаш ва баландликка муҳаббат — бу фазилатлар ушбу касб вакилларини ажратиб туради. Sputnik Ўзбекистон мухбирлари ана шундай мутахассислардан бири — Регина Есимханова билан танишдилар.
Регина Есимханова "Ўзбекистон темир йўллари" АЖнинг 1-сонли Тошкент юк вагон депосида ишламоқда. У кўприкли кран бошқарувчиси.
Регина Александровна бундай мураккаб ва аёллар учун ноодатий касбни 35 йил олдин, ўша пайтда Тошкент тепловоз таъмирлаш заводида ишлаб юрган онасининг маслаҳати билан танлаган.
Ўша пайтда, қайта қуриш даврида, ишончли ва барқарор ишни топиш осон эмас эди. Шунинг учун, Регина Александровна, қўлига ошпазлик билим юрти дипломини эндигина олганига қарамай, “баландликни” танлади ва бундан ҳеч қачон афсусланмади. У ишга жойлашди, кран бошқарувчилари курсларини ўтади ва пўлат қуйиш цехида амалиётни бошлади.
Регина Александровна доим ўз иши ҳақида илиқлик ва алоҳида меҳр билан сўзлайди.
“Бизнинг цехимиз марказий. Вазифамиз вагонларни таъмирлашга олиб келганда, уларни кўтариб қисмларини турли цехларга жўнатишдан иборат. Масалан, эрталаб йиғилишга бораман, депода сукунат, ҳеч нарса ишламайди. Йиғилиш тугаши билан кранга ўтираман. Менга бу ёқади, ҳаракатланишни бошлайман, барча йигитларимиз ҳам каскаларини кийиб, ишга киришиб, болтларни бурашни бошлайди — цех ишга тушади. Ҳаммага иш бериб бўлганимдан кейин, тахминан 15 дақиқадан сўнг, бошқа цехлар ҳам ишлай бошлайди. Яна 15 дақиқадан кейин бутун депо ишга тушади. Ҳамма ишлайди, шовқин кўтарилади... Бу лаҳза менга жуда ёқади. Баъзан кранда ўтириб ўйлайман: “Бу ерда мен бошлиқман”, — дейди у жилмайиб.
Кран бошқарувчиси бўлиш учун узоқ тайёргарлик ва ўқиш талаб қилинмайди. Аммо, бу касб жуда мураккаб. У инсондан максимал эътиборли бўлишни талаб қилади. Бундан ташқари, инсон стрессга чидамли, масъулиятли, диққатни жамлай оладиган ва, албатта, баландликни севадиган бўлиши керак. Улар учун техник хавфсизлик қоидалари - ҳаёт тарзи. Шунингдек, уларнинг касбий лексикаси ҳам бор.
Кран бошқарувчилари стропалчи ва чилангарлар билан чамбарчас, 2 га 2 жадвал бўйича ишлайди. Улар ҳам иш кунлари, ҳам байрамларни депода ўтказади.
Регина Александровна иш тажрибаси давомида турли хилдаги: кўприкли, “козловой”, грейфер, магнит ва бошқа кранларни бошқаришни ўрганган. Бугунги кунда унинг ўз шогирдлари ва амалиётчилари ҳам бор.
Депода Регина Александровна ягона аёл кран бошқарувчисидир. Раҳбарият ва ҳамкасблар Регина Александровнани жуда ҳурмат қилади ва қадрлайди.
У 2024 йилда "Дўстлик" орденига сазовор бўлди. Аммо ҳаётидаги энг катта мукофот, у ишда бўлажак турмуш ўртоғи, қўшни ғилдирак цехида ишлайдиган Алексей Есимхановни учратгани бўлди.
Ушбу касбнинг ўзига хос жиҳатлари, нима учун кран бошқарувчисининг ишини заргар иши билан таққослашлари ва баландлик нимаси билан жозибали эканлиги ҳақида
Sputnik Ўзбекистоннинг тўғридан-тўғри деподан тайёрланган репортажида томоша қилинг.
