Ўзбекистон ва Россия олимлари ноёб фотокўргазма тайёрламоқда
© Sputnik / Бахром Хатамов
Oбуна бўлиш
Фарғона водийсига бағишланган экспозициянинг очилиши 2025 йилнинг кузига режалаштирилган.
ТОШКЕНТ, 14 июл — Sputnik. Ўзбекистон ва Россия олимлари Фарғона водийси ҳақидаги ноёб фотокўргазмани очишга тайёргарлик кўрмоқда, дея хабар берди "Катта Олтой" Олтойшунослик ва туркология илмий-таълим маркази матбуот хизмати.
"Марказий Осиёнинг тарихга бой масканларидан бири бўлган Фарғона водийси "Антик даврдан ҳозирги кунгача: Фарғона водийси ёдгорликлари ва қиёфаларида тарих" фотокўргазмасида янги қиёфада намоён бўлади", — дейилади хабарда.
Мазкур лойиҳа "Этномаданий туризм: Фарғона мероси - 2025" халқаро илмий экспедицияси натижасидир. Тадқиқотчилар Фарғонанинг туристик салоҳиятини қайд этиб, ўрганиб чиқишди ва минтақанинг диққатга сазовор жойларини ўтмиш ва бугун ўзаро боғланган маданий муҳит призмаси орқали тақдим этишди.
Ученые России и Узбекистана готовят к открытию уникальную фотовыставку о Ферганской долине
© Пресс-служба НОЦ алтаистики и тюркологии "Большой Алтай".
"Кўргазмада 100 дан ортиқ фотосуратлар намойиш этилади, улар орқали томошабин Фарғона бўйлаб визуал саёҳат қилиши мумкин: қадимги манзилгоҳлар ва ўрта аср мақбаралари изларидан тортиб, бугунги кунда анъаналарни асраб-авайлаётган ва минтақанинг янги қиёфасини шакллантираётганларнинг ҳақиқий ҳис-туйғуларигача. Бу — кадрда қотиб қолган авлодлар мулоқоти. Кўргазма Ўзбекистонга янги, ҳаққоний ва кўп қиррали нигоҳни тақдим этади", — деди "Катта Олтой" Олтойшунослик ва туркология миллий маркази етакчи экспертиИван Назаров.
Экспозиция тадқиқотчилар, фотографлар, маданиятшунослар, педагоглар, туроператорлар, Фарғона водийси билан таниш бўлганлар ёки эндигина у билан танишиш арафасида турганларга мўлжалланган.
Ученые России и Узбекистана готовят к открытию уникальную фотовыставку о Ферганской долине
© Пресс-служба НОЦ алтаистики и тюркологии "Большой Алтай"
"Кўргазма томошабинларни Фарғона ва Андижон вилоятлари аҳолисининг кундалик ва байрам маданияти билан таништиради. Фотосуратлар ижтимоий, маданий ва сиёсий алоқалар, шунингдек, аввал СССР таркибида, кейин эса мустақил Ўзбекистон Республикасида умумий чегаралар билан тарихан боғланган халқларнинг оилавий турмуш тарзидаги умумий ва ўзига хос жиҳатларни кўриш имконини беради. Оилавий ҳаётнинг бу ўзига хос солномаси Фарғона водийси этносларининг анъанавий маданиятлари ҳақидаги билимларни кенгайтиради. Бу оилавий анъаналарнинг умумий ва ўзига хос хусусиятларини таққослаш орқали ўз илдизларининг ноёблигини ҳис қилишга ёрдам беради”, — деди экспедиция аъзоси, Ўзбекистон Туризмни ривожлантириш илмий-тадқиқот институти ходими, этнограф Сабоҳат Соатова.
Кўргазманинг очилиши шу йилнинг кузига режалаштирилган. Унинг Россиядаги тақдимоти 15 сентябрь куни Барнаулда ОлтДУ базасида бўлиб ўтадиган "Катта Олтой ҳудудида славян-турк дунёси: тарих ва замонавийлик" IV Халқаро Олтой форуми доирасида бўлиб ўтади.
