Киевга қурол етказиб бериш жанговар ҳаракатларни давом эттиришга қаратилган — Песков
15:14 08.07.2025 (янгиланди: 15:23 08.07.2025)
© Sputnik / Сергей Гунеев
Oбуна бўлиш
Песков журналистлар билан суҳбатда Европа давлатлари Киевга қурол етказиб беришда давом этаётгани ҳақида ҳам гапирди.
TOШКЕНТ, 8 июл — Sputnik. Россия Украина томонининг тинч йўл билан ҳал қилиш бўйича эҳтимолий учрашув саналари бўйича таклифларини кутмоқда. Бу ҳақда Россия президенти матбуот котиби Дмитрий Песков журналистларга маълум қилди, деб ёзмоқда РИА Новости.
Песковга Украина билан кейинги музокаралар санасини келишишда олдинга силжиш бор-йўқлиги ҳақида савол берилди.
“Йўқ. Президент ўтган ҳафта айтганидек, биз кутяпмиз, Украина томонининг эҳтимолий саналар бўйича таклифларини кутяпмиз. Саналар келишиб олингач, умид қиламизки, бу амалга ошади, биз бу ҳақда дарҳол хабар берамиз”, — деди Дмитрий Песков.
У шунингдек, Европа давлатлари Киевга қурол етказиб беришда давом этаётгани ҳақида ҳам гапирди.
"Аниқки, (қурол-яроғ - таҳр.) етказиб бериш давом этмоқда, бу бизга тушунарли. Европаликлар ҳам Украинани қурол-яроғ билан тўлдиришда фаол иштирок этаётгани аниқ”, — деди Песков журналистларга.
"Киевга қурол-яроғ етказиб бериш ҳаракатлари тинч йўл билан ҳал қилишга қаратилган уринишлар эмас. Яъни, бу ҳолатда европаликлар танлаган йўналиш айнан жанговар ҳаракатларни давом эттиришга ҳар томонлама кўмаклашишга қаратилган", дея аниқлик киритди у.
Шунингдек, Песков ўз сўзида қайси ҳолатда мамлакат дўстона бўлмаган давлатлар рўйхатидан чиқарилишини айтиб ўтди.
"Бу (Россияга нисбатан нодўстона - таҳр.) ҳаракатлар тўхтатилгандан сўнг, икки томонлама муносабатларни тиклаш босқичи бошлангандан сўнг, бундай рўйхатни қайта кўриб чиқиш масаласи кун тартибига қўйилиши мумкин”, — деди у РИА Новостининг Россия учун дўстона бўлмаган давлатлар рўйхатини қайта кўриб чиқиш мумкинми, деган саволига жавобан.
Матбуот котиби РИА Новостининг АҚШни Россия учун дўстона бўлмаган давлатлар рўйхатидан чиқариб ташлаш мумкинми, деган саволига жавоб берди.
"Ўйлаймизки, мамлакатларимиз ўртасида савдо-иқтисодий муносабатларни қайта тиклаш, иқтисодиёт, ўзаро инвестициялар, савдо ва бошқа соҳаларда кўплаб лойиҳаларни ишга тушириш учун жуда кенг имкониятлар мавжуд. Шу билан бирга, ушбу лойиҳалар икки мамлакат бизнес вакиллари томонидан ҳақиқатан ҳам талабга эга ва икки мамлакат бизнесига катта фойда келтириши мумкин", — дея қайд этди у.
