Ўзбекистонда хитойлик ишбилармонлар ҳамкорлигида асал маҳсулотлари етиштирилади

© Sputnik / Бахром ХатамовПраздник мёда в Ташкенте
Праздник мёда в Ташкенте - Sputnik Ўзбекистон, 1920, 03.07.2025
Oбуна бўлиш
Ўзбекистон асаларичилари уюшмаси ва Хитойнинг Асаларичилик қўмитаси ҳамкорлик қилишга келишиб олди.
TOШКЕНТ, 3 июл — Sputnik. Ўзбекистон ва Хитой асаларичилари ҳамкорликни чуқурлаштиришга келишиб олди. Бу ҳақда Ўзбекистон Савдо-саноат палатаси (ССП) матбуот хизмати хабар берди.
Ўзбекистон асаларичилари уюшмаси вакиллари Хитойнинг Шандонг провинцияси Асаларичилик қўмитаси раиси Жой Чонг Си бошчилигидаги делегация билан учрашди.
Учрашувда хитойлик ишбилармонлар билан республика ҳудудида бир қатор йўналишларда ҳамкорликни йўлга қўйиш масалалари муҳокама қилинди.
“Музокаралар самарали руҳда ўтди ва ўзаро манфаатли ҳамкорликни янада чуқурлаштириш юзасидан дастлабки келишувларга эришилди”, — дейилади хабарда.
Муҳокама этилган масалалар:
асалари заҳри, она ари сути, гулчанги, прополис ва мум парда каби маҳсулотларни саноат миқёсида ишлаб чиқариш;
асални қадоқлаш ва экспортбоп ҳолатда тайёрлаш;
сопол ва ёғоч материаллардан асаларичилик маҳсулотлари учун ихчам, экологик идишлар тайёрлаш бўйича замонавий технологияларни жорий этиш.
Шунингдек, томонлар асаларичилик маҳсулотларини экспорт қилиш географиясини кенгайтириш, янги бозорларга чиқиш имкониятлари ва қўшма инвестиция лойиҳаларини амалга ошириш юзасидан ҳам фикр алмашишди.
В Намангане проходит международный фестиваль меда - Sputnik Ўзбекистон, 1920, 13.02.2025
Ўзбекистон Покистонга асал экспорт қилишни режалаштирмоқда
Янгиликлар лентаси
0