Тошкентда "Eco Expo Central Asia 2025" халқаро кўргазмаси очилди — фото
Тошкентда "Eco Expo Central Asia 2025" халқаро кўргазмаси очилди — фото
Sputnik Ўзбекистон
Тошкентдаги Central Asian Expo (CAEx) кўргазмалар мажмуасида илк бор Eco Expo Central Asia 2025 халқаро экологик технологиялар кўргазмаси иш бошлади, дея хабар берди Sputnik Ўзбекистон мухбири.
ТОШКЕНТ, 19 июн — Sputnik. Тошкентдаги "Central Asian Expo" (CAEx) кўргазмалар мажмуасида илк бор "Eco Expo Central Asia 2025" халқаро экологик технологиялар кўргазмаси иш бошлади, дея хабар берди Sputnik Ўзбекистон мухбири.Минтақада ўхшаши бўлмаган кенг кўламли тадбир 30 тадан ортиқ мамлакатни бирлаштирди ва кўргазма мажмуасини мулоқот, илғор тажриба алмашиш ва "яшил" трансформацияни илгари суриш учун етакчи платформага айлантиради.Бу ерда иқлим барқарорлиги, ресурсларни тежаш ва тоза технологияларни жорий этишнинг асосий масалалари муҳокама қилинади. Кўргазма сунъий интеллект ва яшил энергетика соҳасидаги инновациялардан тортиб, сувни тежаш ва экологик таълим ечимларигача бўлган келажак технологияларининг бутун тўпламини қамраб олади.Транспорт вазирлиги ҳузуридаги TAILEV лойиҳаларни бошқариш гуруҳининг шаҳарсозлик бўйича мутахассиси Бобур Сирожев "Eco Expo" кўргазмасидаги "Яшил шаҳар автотранспорт йўлаклари" тақдимоти доирасида Тошкент шаҳрида реконструкция қилинаётган Шота Руставели кўчаси ҳақида маълумот берди.Шота Руставели кўчасини реконструкция қилишда жамоат транспортига эътибор қаратилади.Тадбирда Транспорт вазири ўринбосари Илҳомжон Абдуғаффоров маълум қилишича, шу йил Тошкентга яна 200 та электробус олиб келинади. Унинг сўзларига кўра, мамлакатда мавжуд 420 та электробус йилига 20 минг тоннага яқин карбонат ангидрид чиқиндиларини чиқаришни камайтиради. Шунингдек, у пойтахтда йўловчилар қатнови сони икки бараварга ошиб, 1,4 миллионга етганини айтиб ўтди. Иштирокчи давлатлар орасида Франция, Жанубий Корея, Тожикистон, Россия, Туркманистон, Италия, Қозоғистон, Австрия, Швейцария, Саудия Арабистони, Германия, Қатар, ХХР, Хорватия, Сингапур, БАА, Беларусь, Белгия, Ҳиндистон, Буюк Британия, Япония, Норвегия, Венгрия, Туркия, Грузия, Бангладеш, Миср, Латвия ва Фаластин бор.Айни пайтда кўргазмада иштирок этиш учун 3000 нафарга яқин хорижий ва маҳаллий иштирокчилар рўйхатдан ўтган. Улар орасида 40 нафарга яқин юқори мартабали меҳмонлар бор.Кўргазма доирасида 20 тадан ортиқ халқаро ташкилотлар ва етакчи компаниялар, шунингдек, Қорақалпоғистон Республикаси, вилоятлар, Тошкент шаҳри, вазирлик ва идоралар, хорижий ва маҳаллий компаниялар, халқаро молия институтлари ва донорлик тузилмалари ўз павильонларини намойиш этади.Уч кун давомида меҳмонларни қизиқарли дастур кутмоқда:“35 тадан ортиқ параллел тадбирлар ўтказиш, истиқболли лойиҳалар тақдимотини ўтказиш ва экологик дастурлар бўйича битимлар имзолаш режалаштирилган. Оролбўйи минтақасини барқарор ривожлантириш, "яшил" қурилиш ва экологик кун тартибига ёшларни жалб қилиш масалаларига алоҳида эътибор қаратилади”, - дея хабар берди тадбир ташкилотчилари.
Кўргазма доирасида экологик дастурлар бўйича битимлар имзолаш режалаштирилган.
ТОШКЕНТ, 19 июн — Sputnik. Тошкентдаги "Central Asian Expo" (CAEx) кўргазмалар мажмуасида илк бор "Eco Expo Central Asia 2025" халқаро экологик технологиялар кўргазмаси иш бошлади, дея хабар берди Sputnik Ўзбекистон мухбири.
Минтақада ўхшаши бўлмаган кенг кўламли тадбир 30 тадан ортиқ мамлакатни бирлаштирди ва кўргазма мажмуасини мулоқот, илғор тажриба алмашиш ва "яшил" трансформацияни илгари суриш учун етакчи платформага айлантиради.
Бу ерда иқлим барқарорлиги, ресурсларни тежаш ва тоза технологияларни жорий этишнинг асосий масалалари муҳокама қилинади. Кўргазма сунъий интеллект ва яшил энергетика соҳасидаги инновациялардан тортиб, сувни тежаш ва экологик таълим ечимларигача бўлган келажак технологияларининг бутун тўпламини қамраб олади.
Транспорт вазирлиги ҳузуридаги TAILEV лойиҳаларни бошқариш гуруҳининг шаҳарсозлик бўйича мутахассиси Бобур Сирожев "Eco Expo" кўргазмасидаги "Яшил шаҳар автотранспорт йўлаклари" тақдимоти доирасида Тошкент шаҳрида реконструкция қилинаётган Шота Руставели кўчаси ҳақида маълумот берди.
Шота Руставели кўчасини реконструкция қилишда жамоат транспортига эътибор қаратилади.
“Шота Руставели кўчасини реконструкция қилиш лойиҳаси бўйича ажратилган йўлакларни жорий этиш жамоат транспорти йўловчилари учун йўл вақтини 12 фоизга қисқартириш имконини беради”, — деди Бобур Сирожев.
Тадбирда Транспорт вазири ўринбосари Илҳомжон Абдуғаффоров маълум қилишича, шу йил Тошкентга яна 200 та электробус олиб келинади.
Унинг сўзларига кўра, мамлакатда мавжуд 420 та электробус йилига 20 минг тоннага яқин карбонат ангидрид чиқиндиларини чиқаришни камайтиради. Шунингдек, у пойтахтда йўловчилар қатнови сони икки бараварга ошиб, 1,4 миллионга етганини айтиб ўтди.
Иштирокчи давлатлар орасида Франция, Жанубий Корея, Тожикистон, Россия, Туркманистон, Италия, Қозоғистон, Австрия, Швейцария, Саудия Арабистони, Германия, Қатар, ХХР, Хорватия, Сингапур, БАА, Беларусь, Белгия, Ҳиндистон, Буюк Британия, Япония, Норвегия, Венгрия, Туркия, Грузия, Бангладеш, Миср, Латвия ва Фаластин бор.
Айни пайтда кўргазмада иштирок этиш учун 3000 нафарга яқин хорижий ва маҳаллий иштирокчилар рўйхатдан ўтган. Улар орасида 40 нафарга яқин юқори мартабали меҳмонлар бор.
Кўргазма доирасида 20 тадан ортиқ халқаро ташкилотлар ва етакчи компаниялар, шунингдек, Қорақалпоғистон Республикаси, вилоятлар, Тошкент шаҳри, вазирлик ва идоралар, хорижий ва маҳаллий компаниялар, халқаро молия институтлари ва донорлик тузилмалари ўз павильонларини намойиш этади.
Уч кун давомида меҳмонларни қизиқарли дастур кутмоқда:
халқаро экспертлар иштирокидаги ялпи ва панель муҳокамалари;
иқлимни молиялаштириш бўйича тематик сессиялар, маҳорат дарслари;
фотокўргазмалар, маданий тадбирлар ва стартаплар танлови.
“35 тадан ортиқ параллел тадбирлар ўтказиш, истиқболли лойиҳалар тақдимотини ўтказиш ва экологик дастурлар бўйича битимлар имзолаш режалаштирилган. Оролбўйи минтақасини барқарор ривожлантириш, "яшил" қурилиш ва экологик кун тартибига ёшларни жалб қилиш масалаларига алоҳида эътибор қаратилади”, - дея хабар берди тадбир ташкилотчилари.
