Челябинск вилоятига Ўзбекистонда таълим муассасаларининг филиалларини очиш таклиф этилди

© Sputnik / Александр Кондратюк / Медиабанкка ўтишГорода России. Челябинск
Города России. Челябинск - Sputnik Ўзбекистон, 1920, 15.06.2025
Oбуна бўлиш
Челябинск вилояти Ўзбекистон билан товар айирбошлаш бўйича Москвадан кейин иккинчи ўринга кўтарилган.
ТОШКЕНТ, 15 июн — Sputnik. Ўзбекистон Челябинск вилоятига олий ва ўрта махсус таълим муассасаларининг республика вилоятларида филиалларини очишни таклиф қилди. Бу ҳақда “Дунё” АА маълум қилди.
Ўзбекистон бош консулхонаси ташаббуси билан Жанубий Урал Савдо-саноат палатаси билан биргаликда Ўзбекистоннинг савдо-иқтисодий, таълим ва туризм салоҳиятига бағишланган махсус тадбир ташкил этилди.
Унда Челябинск вилоятининг қурилиш материаллари, озиқ-овқат ва тўқимачилик маҳсулотлари ишлаб чиқариш, туризм, меҳмонхона бизнеси, логистика соҳаларида фаолият юритаётган корхоналар ҳамда ҳудуддаги олий ва ихтисослаштирилган таълим муассасалари вакиллари иштирок этди.
Жанубий Урал Савдо-саноат палатаси президенти Федор Дегтяревнинг айтишича, айни пайтда Челябинск вилояти Ўзбекистон билан товар айирбошлаш бўйича Москвадан кейин иккинчи ўринга кўтарилган.
Бош консул Жаҳонгир Пармонов ўз сўзида, иштирокчиларга Ўзбекистонда тадбиркорлар учун яратилган сармоявий салоҳият ва шарт-шароитлар, республикадаги эркин иқтисодий ҳудудлар тўғрисида гапириб ўтди.
Шунингдек, таълим муассасалари вакиллари билан В2В шаклидаги учрашувлар бўлиб ўтди. Унда Ўзбекистон томони Челябинск вилоятида жойлашган олий ва ўрта махсус таълим муассасаларининг республика вилоятларида филиалларини очиш, муҳандислик, IТ-технологиялар, тиббиёт ва бошқа соҳаларда мутахассислар тайёрлаш бўйича қўшма дастурларни ишлаб чиқишни таклиф қилди.
Тадбир доираси Ўзбекистон туризми имкониятларига бағишлаган стенд ташкил қилди.
Янгиликлар лентаси
0