https://sputniknews.uz/20250612/timur-kapadze-ozbekiston-milliy-terma-jamoa-murabbiy-49878902.html
Тимур Кападзе: Ўзбекистон миллий терма жамоаси бош мураббийи ҳақида 5 та факт
Тимур Кападзе: Ўзбекистон миллий терма жамоаси бош мураббийи ҳақида 5 та факт
Sputnik Ўзбекистон
Тимур Кападзе — замонавий Ўзбекистон футболидаги муҳим шахс. У 11 карра мамлакат чемпиони, Қозоғистон чемпиони ҳам бўлган.
2025-06-12T18:00+0500
2025-06-12T18:00+0500
2025-06-12T18:00+0500
спорт
ўзбекистон
футбол
тимур кападзе
https://cdn1.img.sputniknews.uz/img/07e9/01/17/47659975_0:0:1106:622_1920x0_80_0_0_6fbe5d58f50303edcb1b57b43061c377.jpg
ТОШКЕНТ, 12 июн — Sputnik. Тимур Кападзе — замонавий Ўзбекистон футболидаги муҳим шахс. У 11 карра мамлакат чемпиони, Қозоғистон чемпиони ҳам бўлган.Унинг шогирдлари жамоаси БАА билан 0:0 ҳисобида дуранг ўйнаб, муддатидан олдин ЖЧ-2026 финалига чиққанидан сўнг, бутун Ўзбекистон у ҳақида гапира бошлади. Бу ютуқ нафақат республика учун тарихий воқеа бўлди, балки Кападзега хориж ҳам эътибор қаратди. Sputnik Ўзбекистон бош мураббий ва мамлакатнинг совриндор футболчиларидан бири ҳақида 5 та қизиқарли фактни эътиборингига тақдим этади.Спорт, оила шиори сифатидаТимур Кападзе спортчи оиласида туғилган. Унинг отаси - Тоҳир Кападзе ёшлигида футболчи бўлган, кейинчалик мураббийлик фаолиятини бошлаган, мамлакатнинг турли клубларида, кейин эса Ўзбекистон футбол федерациясида ишлаган. Темурнинг акалари - Денис ва Камранбей ҳам футболчи. Темурнинг ўзи ҳам болалигидан она юрти Фарғонада футбол билан шуғулланган. Фарғонанинг "Нефтчи" клуби таркибида профессионал фаолиятини бошлаган.Рекордчи"Нефтчи"дан кейин Кападзе Тошкентнинг "Пахтакор" жамоасида ўйнаб, 152 та ўйин ўтказиб, 28 та гол урган. Кейин "Бунёдкор"га ўтди, у билан уч марта республика чемпиони бўлди, икки марта Ўзбекистон кубогини қўлга киритди, бир марта Ўзбекистон кубогининг кумуш медалларини қўлга киритди.Мамлакат терма жамоасида Кападзе 2002 йилдан 2015 йилгача ўйнаган. Бу вақт ичида у 119 та ўйин ўтказди, энг яхши ҳимоячи ва ўйинлар сони бўйича рекордчи бўлди. Фақат Сервер Жепаров 2017 йилда уни четлаб ўтишга муваффақ бўлди.Кападзе Жанубий Корея ("Инчхон Юнайтед"), БАА ("Шаржа") ва Қозоғистон ("Актобе") футбол клубларида ҳам ўйнаган. Маълумот учун, у "Актобе" таркибида ушбу мамлакат чемпиони бўлган. Кападзе ўйнаган сўнгги клуб "Локомотив" бўлди. Бу ерда у 2017 йилда футболчилик фаолиятини якунлаган.Муваффақиятга ундовчи мураббийКападзе 2018 йилда Ўзбекистон миллий терма жамоаси бош мураббийи вазифасини вақтинча бажарувчи этиб тайинланди. Бир йил ўтгач, у мамлакат ёшлар терма жамоасига бош мураббий бўлди ва жамоани 2023 йилги U-20 Жаҳон чемпионатига олиб чиқди. Бу республика ёшлар футболи тарихидаги муҳим воқеалардан биридир. Шунингдек, Кападзе пойтахтнинг "Олимпик" футбол клубини бошқариб, уни Олий Лига - Ўзбекистон Суперлигасига олиб чиқди.Кападзе 2019 йилдан буён беш йил давомида Ўзбекистон олимпия терма жамоасини бошқарган. 2024 йилда ўзбек футболи тарихида илк бор Тимур Кападзе мамлакат олимпия терма жамоасини Олимпия ўйинларига олиб чиқди.2025 йилнинг январь ойида Ўзбекистон футбол ассоциацияси Тимур Кападзе терма жамоа бош мураббийи этиб тайинланганини расман эълон қилди.Мураббийлик фаолиятида ҳеч кимни ажратиб кўрсатмасликдек муҳим тамойилга амал қилади. Унинг фикрича, рақобат футболдаги энг яхши нарса, чунки айнан у спортчиларни ривожланишга ва яхшироқ ўйнашга ундайди."Мен ҳаммага бир хил муносабатдаман", — деб бир неча бор таъкидлаган мураббий.Болаларга бўлган муҳаббатКападзе турмуш ўртоғи Гулмира Кападзе ва умуман оиласи ҳақида кам гапиришига қарамай, ижтимоий тармоқлардаги саҳифаларида улар билан тушган суратлари билан бўлишади."Менинг оилам, менинг фарзандларим — кулишим, жилмайишим, уйғонишим сабабчиси. Ўйнаш ва бахтли бўлиш учун болага бизнинг муҳаббатимиз ва у билан нимадир қилишга тайёрлигимиз етарли", — деб ёзади у.Президент қўлидан биринчи мукофот эмас10 июнь куни "Бунёдкор" стадионида бўлиб ўтган Ўзбекистон миллий терма жамоасининг Қатарга қарши ўйинидан сўнг президентнинг шахсан ўзи терма жамоа футболчилари ва мураббийларига юксак мукофотларни топширди."Ўзбекистон ифтихори" фахрий унвони Темур Кападзе учун давлат раҳбари қўлидаги биринчи мукофот эмас. У 2022 йилда футбол бўйича Ўзбекистон олимпия терма жамоаси ва "Олимпик" футбол клуби бош мураббийи сифатида "Ўзбекистон Республикасида хизмат кўрсатган спорт устози" фахрий унвонига сазовор бўлган."Биз Ватанимиз шарафи ва байроғимизни доимо ҳимоя қилишга, олдимизга қўйган мақсадларга эришиш учун бор кучимизни ишга солишга ваъда берамиз", — дея таъкидлаганди Кападзе.У бу мақсадларга эришиш учун олға бормоқда.
https://sputniknews.uz/20220708/timur-kapadze---fargona-shevasida-sozlovchi-murabbiy-26045479.html
ўзбекистон
Sputnik Ўзбекистон
info@sputniknews-uz.com
+74956456601
MIA „Rossiya Segodnya“
2025
Sputnik Ўзбекистон
info@sputniknews-uz.com
+74956456601
MIA „Rossiya Segodnya“
Янгиликлар
uz_UZ
Sputnik Ўзбекистон
info@sputniknews-uz.com
+74956456601
MIA „Rossiya Segodnya“
Sputnik Ўзбекистон
info@sputniknews-uz.com
+74956456601
MIA „Rossiya Segodnya“
тимур кападзе ўзбекистон футбол
тимур кападзе ўзбекистон футбол
Тимур Кападзе: Ўзбекистон миллий терма жамоаси бош мураббийи ҳақида 5 та факт
Унинг шогирдлари жамоаси БАА билан 0:0 ҳисобида дуранг ўйнаб, муддатидан олдин ЖЧ-2026 финалига чиққанидан сўнг, бутун республика Кападзе ҳақида гапира бошлади.
ТОШКЕНТ, 12 июн — Sputnik. Тимур Кападзе — замонавий Ўзбекистон футболидаги муҳим шахс. У 11 карра мамлакат чемпиони, Қозоғистон чемпиони ҳам бўлган.
Унинг шогирдлари жамоаси БАА билан 0:0 ҳисобида дуранг ўйнаб, муддатидан олдин ЖЧ-2026 финалига чиққанидан сўнг, бутун Ўзбекистон у ҳақида гапира бошлади. Бу ютуқ нафақат республика учун тарихий воқеа бўлди, балки Кападзега хориж ҳам эътибор қаратди. Sputnik Ўзбекистон бош мураббий ва мамлакатнинг совриндор футболчиларидан бири ҳақида 5 та қизиқарли фактни эътиборингига тақдим этади.
Спорт, оила шиори сифатида
Тимур Кападзе спортчи оиласида туғилган. Унинг отаси - Тоҳир Кападзе ёшлигида футболчи бўлган, кейинчалик мураббийлик фаолиятини бошлаган, мамлакатнинг турли клубларида, кейин эса Ўзбекистон футбол федерациясида ишлаган. Темурнинг акалари - Денис ва Камранбей ҳам футболчи. Темурнинг ўзи ҳам болалигидан она юрти Фарғонада футбол билан шуғулланган. Фарғонанинг "Нефтчи" клуби таркибида профессионал фаолиятини бошлаган.
"Нефтчи"дан кейин Кападзе Тошкентнинг "Пахтакор" жамоасида ўйнаб, 152 та ўйин ўтказиб, 28 та гол урган. Кейин "Бунёдкор"га ўтди, у билан уч марта республика чемпиони бўлди, икки марта Ўзбекистон кубогини қўлга киритди, бир марта Ўзбекистон кубогининг кумуш медалларини қўлга киритди.
Мамлакат терма жамоасида Кападзе 2002 йилдан 2015 йилгача ўйнаган. Бу вақт ичида у 119 та ўйин ўтказди, энг яхши ҳимоячи ва ўйинлар сони бўйича рекордчи бўлди. Фақат Сервер Жепаров 2017 йилда уни четлаб ўтишга муваффақ бўлди.
Кападзе Жанубий Корея ("Инчхон Юнайтед"), БАА ("Шаржа") ва Қозоғистон ("Актобе") футбол клубларида ҳам ўйнаган. Маълумот учун, у "Актобе" таркибида ушбу мамлакат чемпиони бўлган. Кападзе ўйнаган сўнгги клуб "Локомотив" бўлди. Бу ерда у 2017 йилда футболчилик фаолиятини якунлаган.
Муваффақиятга ундовчи мураббий
Кападзе 2018 йилда Ўзбекистон миллий терма жамоаси бош мураббийи вазифасини вақтинча бажарувчи этиб тайинланди. Бир йил ўтгач, у мамлакат ёшлар терма жамоасига бош мураббий бўлди ва жамоани 2023 йилги U-20 Жаҳон чемпионатига олиб чиқди. Бу республика ёшлар футболи тарихидаги муҳим воқеалардан биридир. Шунингдек, Кападзе пойтахтнинг "Олимпик" футбол клубини бошқариб, уни Олий Лига - Ўзбекистон Суперлигасига олиб чиқди.
Кападзе 2019 йилдан буён беш йил давомида Ўзбекистон олимпия терма жамоасини бошқарган. 2024 йилда ўзбек футболи тарихида илк бор Тимур Кападзе мамлакат олимпия терма жамоасини Олимпия ўйинларига олиб чиқди.
2025 йилнинг январь ойида Ўзбекистон футбол ассоциацияси Тимур Кападзе терма жамоа бош мураббийи этиб тайинланганини расман эълон қилди.
Мураббийлик фаолиятида ҳеч кимни ажратиб кўрсатмасликдек муҳим тамойилга амал қилади. Унинг фикрича, рақобат футболдаги энг яхши нарса, чунки айнан у спортчиларни ривожланишга ва яхшироқ ўйнашга ундайди.
"Мен ҳаммага бир хил муносабатдаман", — деб бир неча бор таъкидлаган мураббий.
Болаларга бўлган муҳаббат
Кападзе турмуш ўртоғи Гулмира Кападзе ва умуман оиласи ҳақида кам гапиришига қарамай, ижтимоий тармоқлардаги саҳифаларида улар билан тушган суратлари билан бўлишади.
"Менинг оилам, менинг фарзандларим — кулишим, жилмайишим, уйғонишим сабабчиси. Ўйнаш ва бахтли бўлиш учун болага бизнинг муҳаббатимиз ва у билан нимадир қилишга тайёрлигимиз етарли", — деб ёзади у.
Президент қўлидан биринчи мукофот эмас
10 июнь куни "Бунёдкор" стадионида бўлиб ўтган Ўзбекистон миллий терма жамоасининг Қатарга қарши ўйинидан сўнг президентнинг шахсан ўзи терма жамоа футболчилари ва мураббийларига юксак мукофотларни топширди.
"Ўзбекистон ифтихори" фахрий унвони Темур Кападзе учун давлат раҳбари қўлидаги биринчи мукофот эмас. У 2022 йилда футбол бўйича Ўзбекистон олимпия терма жамоаси ва "Олимпик" футбол клуби бош мураббийи сифатида "Ўзбекистон Республикасида хизмат кўрсатган спорт устози" фахрий унвонига сазовор бўлган.
"Биз Ватанимиз шарафи ва байроғимизни доимо ҳимоя қилишга, олдимизга қўйган мақсадларга эришиш учун бор кучимизни ишга солишга ваъда берамиз", — дея таъкидлаганди Кападзе.
У бу мақсадларга эришиш учун олға бормоқда.
