Эрон Исроил ҳужум қилган тақдирда жавоб зарбаси режасини ишлаб чиқди

© Sputnik / Александр ВильфГосударственный флаг Ирана в Тегеране.
Государственный флаг Ирана в Тегеране. - Sputnik Ўзбекистон, 1920, 12.06.2025
Oбуна бўлиш
Эрон ҳарбийлар ҳар қандай сценарийга, жумладан, урушга ҳам тайёрлигини маълум қилди.
TOШКЕНТ, 12 июн — Sputnik. Эрон Исроил ҳужум қилган тақдирда жавоб зарбаси режасини ишлаб чиқди. Бу ҳақда РИА Новости New York Times нашрига таяниб, хабар берди.
"Эрон ҳарбийлари ва ҳукумат амалдорлари Исроилнинг эҳтимолий зарбасига жавобни муҳокама қилиш учун аллақачон учрашган. Теҳрон юзлаб баллистик ракеталардан фойдаланган ҳолда Исроилга зудлик билан қарши зарба беришни ўз ичига олиши мумкин бўлган жавоб режасини ишлаб чиқди", — дея аниқлик киритди газета манбага таяниб.
Зиддият эскалацияси хавфи (CBS News маълумотларига кўра):
Тел-Авив Эронда ҳарбий операция бошлашга тайёр;
Вашингтон Теҳрон АҚШнинг қўшни Ироқдаги баъзи объектларига жавоб зарбаси бериши мумкинлигини кутмоқда.
бу АҚШ баъзи америкаликларга минтақани тарк этишни маслаҳат берган сабаблардан бири;
Исроил расмийлари операциянинг бошланиши ҳақидаги маълумотларга изоҳ беришдан бош тортди.
Washington Post газетасининг ёзишича, Қўшма Штатлар Исроилнинг Эрон ядровий объектларига президент Дональд Трампни огоҳлантирмасдан ҳужум қилишидан хавотирда. Бундай ҳаракатлар Вашингтон ва Теҳрон ўртасидаги музокараларга путур етказади.
Эрон ҳарбийлари ҳар қандай сценарийга, жумладан, урушга ҳам тайёр, деди Ислом инқилоби қўриқчилари корпуси қўмондони Ҳусайн Саломий Эронга зарба беришга тайёргарлик кўрилаётгани ҳақидаги маълумотлар фонида.
“Душман баъзан бизга ҳарбий таҳдид қилади (сценарий - таҳр). Биз ҳар доим айтганмиз ва бугун ҳам айтамиз: биз ҳар қандай сценарийга мутлақо тайёрмиз", — дея Саламининг сўзларини келтиради SNN агентлиги.
Янгиликлар лентаси
0