"Яндекс" Ўзбекистонда ҳайдовчисиз транспортни йўлга қўймоқчи

© Sputnik / Сергей Мамонтов / Медиабанкка ўтишТестирование беспилотного автомобиля "Яндекс" в Москве
Тестирование беспилотного автомобиля Яндекс в Москве  - Sputnik Ўзбекистон, 1920, 11.06.2025
Oбуна бўлиш
Республикада иқтисодий фаол аҳолининг 3 фоизи "Яндекс" платформалари билан ишлайди.
TOШКЕНТ, 11 июн — Sputnik. "Яндекс" Ўзбекистонда ҳайдовчисиз транспортни йўлга қўйишни режа қилмоқда. Бу ҳақда "Yandex Uzbekistan" раҳбари Иззат Шукуров Тошкент инвестиция форуми сессиясида маълум қилди, дея хабар берди Sputnik Ўзбекистон мухбири.

"Яндекс" эртами-кечми Ўзбекистонда ҳайдовчисиз бошқариладиган транспорт хизматини ҳамда етказиб берувчи роверларни ишга туширишни хоҳлайди, аммо мамлакатда ўсиш учун рақамли платформаларда бандлик соҳасига инвестициялар керак”, — деди Иззат Шукуров.

У ўз сўзида "маркет"даги сотувчилар бутун дунё бўйлаб ишлай олишларини хоҳлашини айтди.
“Бизнесимиз барқарор ўсиши учун эса платформали бандлик институтини шакллантиришга жуда кўп сармоя киритишимиз керак”, — дея қайд этди Шукуров.
Унинг сўзларига кўра, мамлакатдаги иқтисодий фаол аҳолининг 3 фоизи "Яндекс" платформалари билан ишлайди.
"Бу одамларнинг барчаси тенг меҳнат шароитларига эга бўлиши биз учун жуда муҳим. Бу биз учун ўта муҳим омил. Бу ижрочиларимизга нима беради? Бу уларга мослашувчан бўлиш, қандайдир доимий қўллаб-қувватлашга эга бўлиш имконини беради. Ва биз улар ўзларини максимал даражада қулай ҳис қилишлари учун экотизим яратишга ҳаракат қилмоқдамиз”, — дея қўшимча қилди "Yandex Uzbekistan" раҳбари
Янгиликлар лентаси
0