Трамп 12 давлат фуқароларининг АҚШга киришини тақиқлади

© AP Photo / Alex BrandonПрезидент Дональд Трамп
Президент Дональд Трамп  - Sputnik Ўзбекистон, 1920, 05.06.2025
Oбуна бўлиш
Шунингдек, Трамп етти давлат, жумладан Куба, Туркманистон ва Венесуэла фуқароларининг АҚШга киришини қисман чеклади.
TOШКЕНТ, 5 июн — Sputnik. АҚШ президенти Дональд Трамп 12 давлат, жумладан Афғонистон, Чад, Конго, Экваториал Гвинея, Гаити ва Эрондан АҚШга киришни бутунлай тақиқлади. Трамп имзолаган фармоннинг эълон қилинган матнида шундай дейилади.
“АҚШнинг ташқи сиёсати, миллий хавфсизлиги ва терроризмга қарши кураш мақсадларини ҳисобга олиб, мен қуйидаги 12 давлат фуқароларининг мамлакатга киришини тўлиқ тақиқлаш ва чеклаш тўғрисида қарор қабул қилдим: Афғонистон, Бирма (Мьянма – таҳр.), Чад, Конго Республикаси, Экваториал Гвинея, Эритрея, Гаити, Эрон, Ливия, Судан, Сомали ва Яман”, - дейилади ҳужжатда.
Бу чекловлар чет элликларнинг иммиграцион ва ноиммиграцион визалар бўйича АҚШга киришига тааллуқлидир, дейилади фармонда.
Шунингдек, Трамп етти давлат, жумладан Куба, Туркманистон ва Венесуэла фуқароларининг АҚШга киришини қисман чеклади.
“Мен қуйидаги етти давлат фуқароларининг киришини қисман тақиқлаш ва чеклашга қарор қилдим: Бурунди, Куба, Лаос, Сьерра-Леоне, Того, Туркманистон ва Венесуэла”, - дейилади ҳужжатда.
Қайд этилишича, бу чекловлар ҳам иммиграцион ва ноиммиграцион визаларга қўлланилади.
Сергей Рябков, архивное фото - Sputnik Ўзбекистон, 1920, 10.02.2025
Трампнинг қайтиши АҚШ ташқи сиёсатини ўзгартиради — Рябков
Янгиликлар лентаси
0