Танзила Нарбаева ҳалок бўлган ҳарбий хизматчиларнинг фарзандлари билан учрашди
© Сенат Олий Мажлиса
Oбуна бўлиш
Сенат раиси болалар билан самимий суҳбатлашиб, уларнинг фикрлари ва орзу-истакларини тинглади, келгуси режалари билан танишди.
ТОШКЕНТ, 1 июн — Sputnik. Олий Мажлис Сенати раиси Танзила Нарбаева 1 июнь — Халқаро болаларни ҳимоя қилиш куни муносабати билан ўз хизмат вазифасини адо этиш чоғида ҳалок бўлган ҳарбий хизматчиларнинг фарзандлари билан учрашди, дея хабар берди юқори палата матбуот хизмати.
Тадбирда Мудофаа вазирлиги, Давлат хавфсизлик хизмати, Ички ишлар ва Фавқулодда вазиятлар вазирлигининг ўз хизмат бурчини адо этиш чоғида ҳаётини бағишлаган ҳарбийларининг фарзандлари билан самимий мулоқот ўтказилди.
“Миллий қонунчилигимизда бола ҳуқуқлари билан боғлиқ бўлган қонун ҳужжатлари сони 40 дан, қонуности ҳужжатлари сони 500 дан ортиқдир. Жумладан, “Болаларни зўравонликнинг барча шаклларидан ҳимоя қилиш тўғрисида”ги, “Ўзбекистон Республикаси Олий Мажлисининг Бола ҳуқуқлари бўйича вакили (Болалар омбудсмани) тўғрисида”ги қонунлар қабул қилинган”, — дейилади хабарда.
В Сенате с участием детей погибших защитников Родины состоялось праздничное мероприятие, посвящённое 1 июня –Международному дню защиты детей
© Сенат Олий Мажлиса
Сенат раиси болалар билан самимий суҳбатлашиб, уларнинг фикрлари ва орзу-истакларини тинглади, келгуси режалари билан танишди. Нарбаева болаларга мурожаат қилиб, “Сизлар – юртимизнинг эртанги куни, келажагимизнинг эгаларисиз. Билим олишдан тўхтаманг, янгиликларни ўрганинг, ўз устингизда ишланг. Орзу қилишдан қўрқманг ва унга эришиш йўлида олға интилинг, шунда албатта мақсадингизга етасиз” дея таъкидлаб ўтди.
В Сенате с участием детей погибших защитников Родины состоялось праздничное мероприятие, посвящённое 1 июня –Международному дню защиты детей
© Сенат Олий Мажлиса
“Мамлакатимизда хизмат вазифасини адо этиш чоғида ҳалок бўлган ҳарбий хизматчиларнинг оилаларини қўллаб-қувватлаш ва уларни ижтимоий ҳимоя қилиш бўйича тизимли ишлар олиб борилмоқда. Жумладан, Мудофаа вазирлиги томонидан 2024 йилда 64 нафар, 2025 йилда эса 47 нафар ҳарбий хизматчининг фарзандларига олий таълим муассасаларига кириш учун тавсияномалар берилди”, — дея қайд этилган хабарда.
Қайд этилишича, ҳалок бўлган ҳарбийларнинг оила аъзолари ва фарзандлари ҳарбий шифохоналарда мунтазам тиббий кўриклардан ўтказилмоқда, зарур ҳолларда даволанишлари таъминланмоқда. Ҳалок бўлган ҳарбийларнинг 15 нафар оила аъзоси учун санаторийларда бепул дам олиш ташкил этилган. Ёзги даврда эса 37 нафар болалар соғломлаштириш оромгоҳларида бепул ҳордиқ чиқариш имкониятига эга бўлди.
1/6
© Сенат Олий Мажлиса
2/6
© Сенат Олий Мажлиса
3/6
© Сенат Олий Мажлиса
4/6
© Сенат Олий Мажлиса
5/6
© Сенат Олий Мажлиса
6/6
© Сенат Олий Мажлиса
1/6
© Сенат Олий Мажлиса
2/6
© Сенат Олий Мажлиса
3/6
© Сенат Олий Мажлиса
4/6
© Сенат Олий Мажлиса
5/6
© Сенат Олий Мажлиса
6/6
© Сенат Олий Мажлиса
