Ўзбекистонлик ўқувчилар ЕОИИ мамлакатлари очиқ чемпионатида иштирок этмоқда
© Министерство высшего образования, науки и инноваций Республики Узбекистан.
Oбуна бўлиш
Чемпионатда Россия, Қозоғистон, Ўзбекистон, Озарбайжон, Хитой ва Зимбабведан вакиллар иштирок этмоқда.
TOШКЕНТ, 26 май — Sputnik. Ўзбекистонлик иқтидорли ўқувчилар Евроосиё иқтисодий иттифоқи (ЕОИИ) ҳамда ЕОИИ+ ҳамкор-мамлакатлари касбий маҳоратининг очиқ чемпионатида иштирок этмоқда. Бу ҳақда Олий таълим, фан ва инновациялар вазирлиги маълум қилди.
Беларусда “ProfSkills Belarus 2025” VI касбий маҳорат танлови ва Евроосиё иқтисодий иттифоқи (ЕОИИ) ҳамда ЕОИИ+ ҳамкор-мамлакатлари касбий маҳоратининг очиқ чемпионати бошланди.
Ушбу нуфузли мусобақада 400 нафарга яқин иштирокчи 50 та компетенция (касб йўналиши) бўйича беллашмоқда.
Танлов қурилиш, ишлаб чиқариш, муҳандислик, ахборот-коммуникация технологиялари, транспорт ва логистика, ижтимоий ва шахсий хизматлар, шунингдек, ижодий касблар ва мода йўналишларини қамраб олган.
ЕОИИ+ ҳамкор-мамлакатларининг касбий маҳорати очиқ чемпионатида Россия, Қозоғистон, Ўзбекистон, Озарбайжон, Хитой ва Зимбабведан вакиллар иштирок этмоқда.
Cтуденты из Узбекистана участвуют в Открытом чемпионате профессионального мастерства стран ЕАЭС+
© Министерство высшего образования, науки и инноваций Республики Узбекистан.
“Ўзбекистон вакиллари – Фарғона, Самарқанд ва Қашқадарё вилоятлари касбий таълим ташкилотларидан иқтидорли ўқувчилар ушбу чемпионатда 4 та компетенция бўйича ўз билим ва кўникмаларини намойиш этмоқда”, — дейилади хабарда.
Cтуденты из Узбекистана участвуют в Открытом чемпионате профессионального мастерства стран ЕАЭС+
© Министерство высшего образования, науки и инноваций Республики Узбекистан.
Иштирокчилар 22 ёшгача бўлган ёшлар (айрим ваколатларга - 24 ёшгача). Профессионал таълимнинг нуфузини ошириш мақсадида ёшларни иқтисодиётнинг ишлаб чиқариш соҳасига жалб этиш, ишчи ва мутахассисларнинг касб маҳорати ва меҳнат унумдорлиги даражасини ошириш мақсадида бундай миқёсдаги танловларни ўтказиш 2014 йилдан бошлаб анъанага айланди.
