Идрок ва тасаввур: Тошкентда "Санъатни англаш санъати" кўргазмаси очилди
Идрок ва тасаввур: Тошкентда "Санъатни англаш санъати" кўргазмаси очилди
Sputnik Ўзбекистон
Кўргазманинг марказий ғояси — "Учинчи Ренессанс". Яъни, санъат, технология ва инсоннинг уйғунлиги орқали замонавий дунё муаммоларига ечим излаш. 20.05.2025, Sputnik Ўзбекистон
Тошкентда Халқаро музейлар кунига бағишлаб ташкил этилган “Санъатни англаш санъати” кўргазмаси бешинчи бор ўтказилмоқда. Бу галги тадбир нафақат маҳаллий, балки халқаро рассомларни ҳам бирлаштирди.Кўргазмада Тожикистон ва Қирғизистондан келган рассомлар ҳам ўз асарлари билан иштирок этмоқда. Турли услуб, техника ва жанрдаги асарлар, реализмдан тортиб абстракциягача, кўргазмага ташриф буюрувчиларни бетакрор бадиий сафарга бошлайди.Шундай қилиб, кўргазмада 16 нафар ёш ва тажрибали рассомлар қатнашмоқда. Улар орасида Жасвант Анназаров, Нуриддин Исаев, Эрач Олимов, Лутфулло Қодиров, Зуҳриддин Қиёмов ва бошқалар бор. Ҳар бир ижодкор ўз асари орқали инсон ва жамият, идрок ва тасаввур, санъат ва замон муносабатларини тадқиқ этади. Кўргазмада "Санъатни англаш санъати" ёзуви туширилган махсус блокнотлар орқали ҳар бир ташриф буюрувчи ўз таассуротларини баён этиши мумкин. Бу ёндашув томошабинни пассив кузатувчи эмас, балки фаол иштирокчига айлантиради. Муаллифлар ва аудитория ўртасидаги мулоқот ижодий жараённи янги босқичга кўтаради.Кўргазманинг марказий ғояси — "Учинчи Ренессанс". Яъни, санъат, технология ва инсоннинг уйғунлиги орқали замонавий дунё муаммоларига ечим излаш. Кўргазмада маданий мерос ва барқарор ривожланиш, инсон ва табиат муносабатлари алоҳида ўрин олган. Кўргазмадаги эътиборга молик иштирокчилардан бири — Лутфулло Қодиров. Қўллари бўлмаганига қарамасдан, у оёқлари билан сурат чизади ва ўз асарлари орқали томошабинни ҳайратга солади. Тадбир доирасида перформанслар ва маҳорат дарслари ташкил этилади. Шулардан бири — Ўзбекистон халқ рассоми Жасвант Анназаров томонидан намоён этиладиган ижодий жараён. Лойиҳанинг бош ғоявий раҳбари Манушак Арушанова “санъат учун санъат” шиори асосида бадиий концепцияни шакллантирди. Унинг таъкидлашича, фақат идрок орқалигина чинакам ижод вужудга келади.
Кўргазманинг марказий ғояси — "Учинчи Ренессанс". Яъни, санъат, технология ва инсоннинг уйғунлиги орқали замонавий дунё муаммоларига ечим излаш.
Тошкентда Халқаро музейлар кунига бағишлаб ташкил этилган “Санъатни англаш санъати” кўргазмаси бешинчи бор ўтказилмоқда. Бу галги тадбир нафақат маҳаллий, балки халқаро рассомларни ҳам бирлаштирди.
Кўргазмада Тожикистон ва Қирғизистондан келган рассомлар ҳам ўз асарлари билан иштирок этмоқда. Турли услуб, техника ва жанрдаги асарлар, реализмдан тортиб абстракциягача, кўргазмага ташриф буюрувчиларни бетакрор бадиий сафарга бошлайди.
Шундай қилиб, кўргазмада 16 нафар ёш ва тажрибали рассомлар қатнашмоқда. Улар орасида Жасвант Анназаров, Нуриддин Исаев, Эрач Олимов, Лутфулло Қодиров, Зуҳриддин Қиёмов ва бошқалар бор. Ҳар бир ижодкор ўз асари орқали инсон ва жамият, идрок ва тасаввур, санъат ва замон муносабатларини тадқиқ этади.
Кўргазмада "Санъатни англаш санъати" ёзуви туширилган махсус блокнотлар орқали ҳар бир ташриф буюрувчи ўз таассуротларини баён этиши мумкин. Бу ёндашув томошабинни пассив кузатувчи эмас, балки фаол иштирокчига айлантиради. Муаллифлар ва аудитория ўртасидаги мулоқот ижодий жараённи янги босқичга кўтаради.
Кўргазманинг марказий ғояси — "Учинчи Ренессанс". Яъни, санъат, технология ва инсоннинг уйғунлиги орқали замонавий дунё муаммоларига ечим излаш. Кўргазмада маданий мерос ва барқарор ривожланиш, инсон ва табиат муносабатлари алоҳида ўрин олган.
Кўргазмадаги эътиборга молик иштирокчилардан бири — Лутфулло Қодиров. Қўллари бўлмаганига қарамасдан, у оёқлари билан сурат чизади ва ўз асарлари орқали томошабинни ҳайратга солади.
Тадбир доирасида перформанслар ва маҳорат дарслари ташкил этилади. Шулардан бири — Ўзбекистон халқ рассоми Жасвант Анназаров томонидан намоён этиладиган ижодий жараён.
Лойиҳанинг бош ғоявий раҳбари Манушак Арушанова “санъат учун санъат” шиори асосида бадиий концепцияни шакллантирди. Унинг таъкидлашича, фақат идрок орқалигина чинакам ижод вужудга келади.
