Кремль Путин ва Зеленский учрашуви шартини маълум қилди
16:29 17.05.2025 (янгиланди: 16:32 17.05.2025)
© Sputnik / Алексей Майшев
Oбуна бўлиш
Песков: Делегациялар ўртасида маълум келишувларга эришилгандан сўнг бундай учрашув ўтказилиши мумкин.
ТОШКЕНТ, 17 май — Sputnik. Россия президенти Владимир Путин ва Владимир Зеленскийнинг учрашуви икки давлат делегациялари томонидан муайян келишувларга эришилган тақдирда мумкин, деди Путиннинг матбуот котиби Дмитрий Песков.
“Икки давлат, Украина ва Россия президентлари Зеленский ва Путин ўртасида бўлиши мумкин бўлган учрашув мавзуси бўйича жуда кўплаб саволлар келиб тушди. <…> Икки томон делегацияларининг иши натижасида ушбу делегациялар ўртасида маълум келишувларга эришилгандан сўнг бундай учрашув ўтказилиши мумкин. Буни мумкин деб ҳисоблаймиз. Лекин айнан иш натижасида ва икки томон ўртасидаги келишувлар шаклида маълум натижаларга эришилганда”, - деди у.
Музокаралар бўйича бошқа баёнотлар:
Украинани тартибга солиш бўйича ишлар эндигина бошланди, у давом этади.
Россия делегацияси таркибини ўзгартириш ҳақида гап йўқ.
Москва ва Киев ўт очишни тўхтатиш шартлари рўйхатини алмашишга келишиб олди, иш олиб борилмоқда.
Россия ва Украина ўртасидаги музокаралар давом этмоқда ва улар ёпиқ тартибда ўтиши керак.
Музокараларнинг навбатдаги босқичидан олдин эришилган келишувлар амалга оширилиши керак.
Ҳужжатларни имзолашда Россия учун асосий масала Украинадан имзоловчининг номзоди ҳисобланади.
Истанбулдаги музокаралардан буён Россия ва АҚШ раҳбарлари ўртасида ҳозирча алоқа бўлмади.
Путин ва Трамп телефон орқали мулоқот ўтказишни мақсадга мувофиқ деб ҳисобласа, Кремль бу ҳақда хабар беради.
Ўтган ҳафта Владимир Путин Украинага ҳеч қандай дастлабки шартларсиз тўғридан-тўғри музокараларни давом эттиришни таклиф қилган эди.
16 май куни бўлиб ўтган музокаралар деярли икки соат давом этди. Россия делегациясига раҳбарлик қилаётган президент ёрдамчиси Владимир Мединский Украина билан 1000 кишига 1000 киши тамойили бўйича маҳбус алмашинуви ҳақида эълон қилди. Унинг сўзларига кўра, Москва ва Киев келажакда мумкин бўлган ўт очишни тўхтатиш бўйича ўз қарашларини тақдим этишга келишиб олган. Украина томони музокаралар чоғида давлат раҳбарларининг учрашувини ўтказишни сўраган, Москва буни инобатга олган. Мединский, шунингдек, Россия Украина билан музокараларни давом эттиришга тайёрлигини билдирди.
