Жиззахда палеолит ва неолит даврларига оид янги археологик масканлар аниқланди

© Агентство культурного наследияВ Джизаке обнаружены новые археологические памятники эпохи палеолита и неолита
В Джизаке обнаружены новые археологические памятники эпохи палеолита и неолита - Sputnik Ўзбекистон, 1920, 10.05.2025
Oбуна бўлиш
Топилмаларнинг илмий таҳлиллари асосида каталоглар, мақолалар ва кўргазмалар тайёрланиши режалаштирилган.
TOШКЕНТ, 10 май — Sputnik. Жиззах вилоятида палеолит ва неолит даврларига оид янги археологик масканлар аниқланди. Бу ҳақда Маданий мерос агентлиги матбуот хизмати хабар берди.
© Агентство культурного наследияВ Джизаке обнаружены новые археологические памятники эпохи палеолита и неолита
В Джизаке обнаружены новые археологические памятники эпохи палеолита и неолита - Sputnik Ўзбекистон, 1920, 10.05.2025
В Джизаке обнаружены новые археологические памятники эпохи палеолита и неолита
28 апрелдан 6 майгача агентлик ҳамда Яҳё Ғуломов номидаги Самарқанд археология институти Тош даври бўлими ходимлари томонидан Ғаллаорол тумани ҳудудида жойлашган Нурота тоғ тизмасининг шимоли-ғарбий қисмида дала тадқиқот-қидирув ишлари олиб борилди.
Тадқиқотлар жараёнида тарихий аҳамиятга эга қатор археологик манзиллар аниқланди:
Ўгат қишлоғининг ғарбий қисмида сўнгги палеолит даврига оид ибтидоий кишиларнинг яшаш макони қайд этилди. Изланишларнинг дастлабки таҳлиллари бу ҳудудда минг йиллар аввал инсонлар доимий ёки мавсумий истиқомат қилганини кўрсатмоқда.
Қоропчи қишлоғининг шимолий этакларида эса неолит даврига мансуб иккита янги макон аниқланди. Топилган манзиллар инсониятнинг деҳқончилик ва чорвачиликка ўтиш даврига оид муҳим маълумотларни ўз ичига олади.
Ёнбоштут қишлоғи шимолида жойлашган “Бешбулоқ” номли макон ҳам неолит даврига тегишли бўлиб, бу ерда қадимги жамиятларнинг ижтимоий ва маданий ҳаётига доир излар топилган.
Таъкидланишича, мазкур археологик топилмалар Ўзбекистон ҳудудида энг ибтидоий одамларнинг яшаш тарихини ўрганишда муҳим қадам бўлиб хизмат қилади.
© Агентство культурного наследияВ Джизаке обнаружены новые археологические памятники эпохи палеолита и неолита
В Джизаке обнаружены новые археологические памятники эпохи палеолита и неолита - Sputnik Ўзбекистон, 1920, 10.05.2025
В Джизаке обнаружены новые археологические памятники эпохи палеолита и неолита
Тадқиқотлар ҳозирги кунда ҳам давом эттирилмоқда. Келгусида топилмаларнинг илмий таҳлиллари асосида каталоглар, мақолалар ва кўргазмалар тайёрланиши режалаштирилган.
Янгиликлар лентаси
0