Ўзбекистон Ҳиндистон ва Покистонни дипломатик мулоқотга аҳамият беришга чақирди

© Sputnik / Павел ЛисицынФлаг Узбекистана
Флаг Узбекистана - Sputnik Ўзбекистон, 1920, 08.05.2025
Oбуна бўлиш
Ўзбекистон Ҳиндистон ва Покистон ўртасида кескинлашиб бораётган ҳолатга муносабат билдирди.
TOШКЕНТ, 8 май — Sputnik. Ўзбекистон томони Ҳиндистон ва Покистон ўртасидаги кескинлашиб бораётган ҳолатнинг ривожланишини хавотир билан кузатмоқда, дея хабар берди мамлакат ташқи ишлар вазирлиги.
Вазирлик баёнотида Ҳиндистон ва Покистон дипломатик мулоқотга устувор аҳамият беришга чақирилган.
“Ўзбекистон томони Ҳиндистон ва Покистон ўртасидаги кескинлашиб бораётган ҳолатнинг ривожланишини хавотир билан кузатмоқда. Иккала томонни вазминлик кўрсатишга, тинчлик ва барқарорлик манфаатлари асосида ҳаракат қилишга, вазиятнинг янада ёмонлашишини олдини олиш учун дипломатик мулоқотга устувор аҳамият беришга чақирамиз”, — дейилади хабарда.
Шунингдек, Ўзбекистон вазиятни деескалация қилиш ва тинч йўл билан ҳал қилишга қаратилган ҳар қандай халқаро ёки минтақавий ҳаракатларни қўллаб-қувватлашга тайёрлиги қайд этилган.
Янгиликлар лентаси
0