Сирдарё вилоятида йирик чорвачилик мажмуаси ишга туширилади

© Sputnik / Илья Наймушин / Медиабанкка ўтишКорова
Корова - Sputnik Ўзбекистон, 1920, 06.05.2025
Oбуна бўлиш
Оқолтин, Гулистон ва Боёвут туманларидаги 9 минг гектарда 3 та йирик чорвачилик мажмуаси ишга туширилади.
TOШКЕНТ, 6 май — Sputnik. Сирдарё вилоятида йирик чорвачилик мажмуаси ишга туширилади. Бу ҳақда президент Шавкат Мирзиёев иштирокидаги йиғилишда маълум қилинди, дея хабар берди давлат раҳбари матбуот хизмати.
Йиғилишда Сирдарё вилоятида қишлоқ хўжалиги соҳасидаги ишларни янги ёндашувлар асосида ташкил этиш масалалари кўриб чиқилди.
Қайд этилишича, вилоятда суғориш тармоқларини таъмирлаб, икки йилда 20 минг гектар ерни қайта фойдаланишга киритиш режалаштирилмоқда.
Шунингдек, Оқолтин, Гулистон ва Боёвут туманларидаги 9 минг гектарда 3 та йирик чорвачилик мажмуасини ишга тушириш, 7 минг гектарда янги технология асосида пахта етиштириш мўлжалланган.
Вилоятда 10 минг гектар боғ ва токзор бор. Уларнинг ярмидан кўпида нав ва агротехнология эскилиги учун мева-сабзавот харидоргир эмас. Шу боис 2 минг гектар боғни янгилаб, хорижда энг харидоргир мевалар етиштириш, қолганини талабгорларга таклиф этиш кўзда тутилган.
Қолаверса, бу йил “Ўнг тармоқ” туманлараро каналининг 607 километрини реконструкция қилиш ва рақамли бошқарувга ўтказиш лойиҳаси якунланади. Натижада 35-40 фоиз сув тежалади, 27 минг гектарда сув таъминоти яхшиланади.
Коровы на молочно-товарной ферме - Sputnik Ўзбекистон, 1920, 09.02.2025
Ўзбекистон ва ЕОИИ
ЕОИИ мамлакатлари чорвачилик маҳсулотлари савдосини ривожлантирмоқчи
Янгиликлар лентаси
0