Вашингтон ва Киев Украинанинг табиий ресурслари бўйича келишув имзолади

© Sputnik / Николай Лазаренко / Медиабанкка ўтишФлаги США и Украины
Флаги США и Украины - Sputnik Ўзбекистон, 1920, 01.05.2025
Oбуна бўлиш
Дональд Трамп: биз назарий жиҳатдан 350 млрд доллардан кўпроқ нарсани оладиган шартнома туздик.
TOШКЕНТ, 1 май — Sputnik. Вашингтон ва Киев Украинанинг табиий ресурслари бўйича келишув имзолади. Бу ҳақда АҚШ Молия вазирлиги хабар берди, деб ёзмоқда РИА Новости.
АҚШ Молия вазирлигига кўра, Вашингтон ва Киев Украинанинг табиий ресурслари бўйича келишув имзолади. Унинг доирасида икки томонлама сармоя жамғармаси яратилиб, унинг маблағлари Украинани қайта тиклашга йўналтирилади.
АҚШ президенти Дональд Трампнинг NewsNation телеканалига маълум қилишича, Вашингтон назарий жиҳатдан Украина учун ресурс келишувига қўйган сармоясидан кўпроқ олади.
“Биз бугун назарий жиҳатдан 350 миллиард доллардан кўпроқ нарсани оладиган шартнома туздик”, — деди Дональд Трамп.
Унинг таъкидлашича, тегишли миқдорни Украинага ўзидан олдинги Жо Байден "нақд пул ва ҳарбий техника шаклида" ўтказган.
АҚШ президенти Владимир Зеленский билан Ватикандаги учрашуви чоғида уни Украина ресурслари бўйича келишувга эришишга ундаганини, чунки Россия каттароқ ва кучлироқ эканини ҳам айтиб ўтди.
Россия Федерациясининг БМТдаги доимий вакилининг биринчи ўринбосари Дмитрий Полянский РИА Новостига маълум қилишича, Дональд Трамп Украина бўйича мумкин бўлган тинчлик келишувида Россиянинг маълум қонуний талаблари борлигини тушунади.
Шунингдек, АҚШ президенти маъмурияти Владимир Зеленский Украинада тинчлик ўрнатиш саъй-ҳаракатларига путур етказиш, можарони чўзиш ва бошқаларни унга тортишга уринаётганини тан олади.
Трамп забирает Украину себе - Sputnik Ўзбекистон, 1920, 18.02.2025
Трамп Украинани ўзига олмоқда
Янгиликлар лентаси
0