Самарқандда турли мамлакатларнинг нуфузли муфтийлари ва ислом уламолари йиғилди

© SputnikВ Самарканде собрались авторитетные муфтии и исламоведы разных стран
В Самарканде собрались авторитетные муфтии и исламоведы разных стран - Sputnik Ўзбекистон, 1920, 30.04.2025
Oбуна бўлиш
Эксклюзив
Самарқандда Имом Мотуридий илмий мероси ва таълимотини ўрганишни янги босқичга олиб чиқиш имконини берувчи декларация қабул қилинади.
TOШКЕНТ, 30 апр — Sputnik. Самарқандда “Мотуридийлик – бағрикенглик, мўътадиллик ва маърифат таълимоти” мавзусида халқаро илмий-амалий анжуман бўлиб ўтмоқда, дея хабар берди Sputnik Ўзбекистон мухбири.
Тадбирда Миср, Туркия, Малайзия, Индонезия, БАА, Саудия Арабистони, Кувайт, Қатар, Покистон, Озарбайжон, Қозоғистон, Қирғизистон, Тожикистон каби 20 тадан ортиқ давлатдан 70 нафардан зиёд муфтий, нуфузли исломшунос олимлар, давлат ва жамоат арбоблари, мотуридийшунос тадқиқотчилар, тарихшунос мутахассислар ва диний-маърифий соҳа вакиллари иштирок этмоқда.
© SputnikВ Самарканде собрались авторитетные муфтии и исламоведы разных стран
В Самарканде собрались авторитетные муфтии и исламоведы разных стран - Sputnik Ўзбекистон, 1920, 30.04.2025
В Самарканде собрались авторитетные муфтии и исламоведы разных стран
Президент маслаҳатчиси Русланбек Давлетов Ўзбекистон етакчиси Шавкат Мирзиёевнинг халқаро конференция иштирокчиларига йўллаган табригини ўқиб эшиттирди.
"Буюк ватандошимиз асос солган мотуридийлик мактаби ва таълимоти эса эътиқод борасида асрлар давомида бағрикенглик, мўътадиллик ва маърифат тимсоли бўлиб келаётгани таҳсинга сазовордир", — дейилади табрик матнида.
Анжуманда Имом Мотуридийнинг илмий мероси, мотуридийлик таълимотининг моҳияти ва шу каби муҳим масалалар муҳокама қилинмоқда.
Конференция якунида Имом Мотуридий илмий мероси ва таълимотини ўрганишни янги босқичга олиб чиқиш имконини берувчи якуний декларация қабул қилиниши режалаштирилган.
Маълумот учун, Имом Мотуридий Самарқанд яқинида жойлашган Мотурид қишлоғида туғилиб, шу ерда истиқомат қилгани учун унга “ал-Мотуридий” нисбаси берилган. Имом Абу Мансур Мотуридий бутун ҳаётини исломий ақидани ҳимоя қилиш ва маърифатини ёйишга бағишлаган.
Шавкат Мирзиёев ознакомился с предложениями по повышению энергоэффективности в отраслях экономики - Sputnik Ўзбекистон, 1920, 15.03.2025
Имом Мотуридий таваллудининг 1155 йиллиги кенг нишонланади
Янгиликлар лентаси
0