Россия ҳарбийлари Курск вилоятини озод қилди
17:00 26.04.2025 (янгиланди: 19:59 26.04.2025)
© Sputnik / Константин Михальчевский
/ Oбуна бўлиш
Путин Курск вилоятининг озод қилингани махсус ҳарбий операцияга қандай таъсир қилишини баҳолади.
ТОШКЕНТ, 26 апр — Sputnik. Россия президенти Владимир Путин Россия Қуролли кучлари бош штаби бошлиғи Валерий Герасимовнинг Курск вилоятининг озод қилингани ҳақидаги ҳисоботини тинглади ва бу махсус ҳарбий операцияга қандай таъсир қилишини баҳолади. РИА Новости Путиннинг асосий баёнотларини тақдим этди.
“Барча шахсий таркибни, барча жангчилар ва қўмондонларни ушбу муваффақият, ғалаба билан табриклайман. Кўрсатган жасоратингиз, қаҳрамонликларингиз, Ватанимиз ва Россия халқи олдидаги хизматларингиз учун сизга миннатдорлик билдираман”, - деди Путин.
Путиннинг баёнотлари:
Украинанинг саргузаштлари бутунлай барбод бўлди.
Курск вилоятининг озод этилиши неонацистлар режимининг тугашини яқинлаштиради.
Душманнинг мағлубияти Россия Қуролли кучларининг фронтнинг бошқа муҳим қисмларида муваффақиятли ҳаракатлари учун шароит яратади.
Украина Қуролли кучлари, жумладан, Ғарб техникаси билан жиҳозланган энг жанговар кучлар катта йўқотишларга дуч келди.
Ҳужум бўлинмалари ва махсус кучлар мағлубиятга учради.
Душманнинг йўқотишлари бутун жанговар алоқа чизиғида акс этади.
Герасимовнинг ҳисоботи:
Бугун Курск вилоятидаги сўнгги аҳоли пункти - Горналь қишлоғи озод қилинди.
Ҳудудни озод қилиш операциясининг энг фаол босқичи 6 март куни бошланган эди.
Украина Қуролли кучлари гуруҳи парча-парчаланиб йўқ қилинди.
Россия армияси олдинга силжиганида, душман мудофааси қулаб тушди.
Стратегик ҳамкорлик шартномасига мувофиқ, КХДР жангчилари Украина Қуролли кучларини мағлуб этишда катта ёрдам кўрсатди.
Шимолий Корея аскарлари матонат, жасорат ва қаҳрамонлик кўрсатди.
Душман катта йўқотишларга дуч келди: 76 мингдан ортиқ аскар ҳалок бўлди ва яраланди.
Суми вилоятида хавфсизлик зонасини яратиш давом этмоқда.
Бу ҳудуддаги тўртта аҳоли пункти озод қилинган, 90 квадрат километрдан ортиқ ҳудуд армия назоратида.
Курск вилоятидаги 19 та аҳоли пункти тўлиқ текширилиб, миналардан тозаланди.
Ҳудудда яширинишга уринаётган Украина қуролли кучларининг жангарилари аниқланмоқда.
“Киев режимининг стратегик плацдарм деб аталмишни яратиш ва Донбассдаги ҳужумимизни тўхтатиш режалари барбод бўлди”, - деди Герасимов.
2024 йил 6 август куни эрта тонгда украиналик жангарилар Курск вилоятига бостириб киришди. Уларнинг юриши тўхтатилди. Март ойи бошида рус қўшинлари йирик ҳужумга ўтди ва бир неча кун ичида 1100 квадрат километрга яқин ҳудудни озод қилди.
Ҳужум бошидан бери 60 дан ортиқ аҳоли пунктлари қайта назоратга олинди, уларнинг ярмидан кўпи, шу жумладан Суджа сўнгги икки ой ичида озод қилинди.
