Самарқандда Ўзбекистон-Туркманистон музокаралари бўлиб ўтди
14:31 24.04.2025 (янгиланди: 16:08 24.04.2025)
© Пресс-служба президента Узбекистана
Oбуна бўлиш
Шавкат Мирзиёев ва Гурбангули Бердимуҳамедов тор доирада ва расмий делегациялар иштирокида музокара ўтказишди.
ТОШКЕНТ, 24 апр — Sputnik. Ўзбекистон ва Турманистон товар айирбошлаш ҳажмини 2 миллиард долларга етказади. Бу ҳақда Самарқандда Ўзбекистон президенти Шавкат Мирзиёев ва Туркман халқининг миллий етакчиси, Туркманистон Халқ Маслаҳати раиси Гурбангули Бердимуҳамедов ўртасида бўлиб ўтган музокараларда маълум қилинди, дея хабар берди президент матбуот хизмати.
Етакчилар тор доирада ва расмий делегациялар иштирокида музокара ўтказишди.
1/4
© Пресс-служба президента Узбекистана
2/4
© Пресс-служба президента Узбекистана
3/4
© Пресс-служба президента Узбекистана
4/4
© Пресс-служба президента Узбекистана
1/4
© Пресс-служба президента Узбекистана
2/4
© Пресс-служба президента Узбекистана
3/4
© Пресс-служба президента Узбекистана
4/4
© Пресс-служба президента Узбекистана
Унда икки мамлакат ўртасидаги дўстлик, яхши қўшничилик ва стратегик шериклик муносабатларини янада ривожлантириш ва мустаҳкамлашнинг долзарб масалалари кўриб чиқилди.
“Ўтган йили ўзаро товар айирбошлаш ҳажми 1,1 миллиард долларни ташкил этди. Пойтахтларда савдо уйлари очилиб, юк ташиш ҳажми ошмоқда. Яқин йилларда товар айирбошлашни 2 миллиард долларга етказиш мақсад қилинган”, — дейилади хабарда.
Қайд этилишича, биргаликда "Шовот-Тошовуз" чегараолди савдо зонаси ташкил этилмоқда.
“Жорий йилда Хива шаҳрида учинчи Ҳудудлар форумини ҳамда Ўзбекистонда Туркманистон маданияти кунларини ўтказишга келишиб олинди”, — дея қайд этилган хабарда.
Ўзбекистон ва Туркманистон етакчилари "Марказий Осиё плюс" форматидаги бўлажак саммитлар ва Тошкентда ўтказиладиган Марказий Осиё давлатлари раҳбарларининг еттинчи Маслаҳат учрашувига тайёргарлик кўриш юзасидан фикр алмашишди.
“Давлатимиз раҳбари Туркманистон ташаббуси билан Бирлашган Миллатлар Ташкилоти Бош Ассамблеяси томонидан эълон қилинган Халқаро тинчлик ва ишонч йили доирасида жорий йил декабрь ойида Ашхобод шаҳрида ўтказиладиган форум ва бошқа халқаро тадбирлар муҳим аҳамиятга эга эканини алоҳида таъкидлади”, — дея таъкидланган матбуот хизмати хабарида.
Учрашувда Ўзбекистон президенти Туркман халқининг миллий етакчисига унинг қаламига мансуб "Тафаккур гавҳари" китобининг ўзбек тилидаги нусхасини топширди.
Национальный лидер туркменского народа награжден орденом "Олий Даражали Дўстлик"
© Пресс-служба президента Узбекистана
Икки томонлама музокаралар якунида Гурбангули Бердимуҳамедовга Ўзбекистон Республикасининг юксак давлат мукофоти - "Олий Даражали Дўстлик" орденитопширилди.
