Танзила Нарбаева Парламент аёл аъзолари форумининг 39-сессияси президенти этиб сайланди
© Сенат Олий Мажлиса
Oбуна бўлиш
Тошкент шаҳрида Парламентлараро иттифоқнинг 150-юбилей ассамблеяси доирасида Парламент аёл аъзолари форумининг 39-сессияси бошланди.
ТОШКЕНТ, 5 апр — Sputnik. Парламент аёл аъзолари форумининг 39-сессияси президенти этиб Ўзбекистон Олий Мажлис Сенати раиси Танзила Нарбаева сайланди. Бу ҳақда Сенат матбуот хизмати хабар берди.
Бугун, 5 апрель куни Тошкент шаҳрида Парламентлараро иттифоқнинг 150-юбилей ассамблеяси доирасида Парламент аёл аъзолари форумининг 39-сессияси бошланди.
Очередная сессия Форума женщин-парламентариев начала свою работу
© Сенат Олий Мажлиса
Тадбирда дунёнинг турли бурчакларидан 200 дан ортиқ парламент аъзолари, аёл-етакчилар ва экспертлар иштирок этмоқда. Улар гендер тенглик, аёлларнинг сиёсий етакчилиги ва инсон ҳуқуқлари билан боғлиқ энг муҳим масалаларни муҳокама қиладилар.
Форум парламент аёл аъзолари учун глобал миқёсдаги муҳим тадбир бўлиб, гендер тенгликни илгари суриш, сиёсий қарорлар қабул қилиш жараёнида аёлларнинг иштирокини кенгайтириш ва барқарор ривожланишга ҳисса қўшиш мақсадида ташкил этилган.
Очередная сессия Форума женщин-парламентариев начала свою работу
© Сенат Олий Мажлиса
Форум доирасида 40 йиллик юбилей нишонланиб, 39-сессия президенти этиб Ўзбекистон Олий Мажлис Сенати раиси Танзила Нарбаева сайланди.
Иштирокчилар кун тартибини тасдиқлаб, гендер тенгликни илгари суриш бўйича сўнгги ташаббуслар, жумладан, Парламент аёл аъзолари бюросининг Женева ва Тошкент сессияларидаги муҳокамалар, Гендер ҳамкорлик гуруҳи фаолияти ҳамда ташаббусларини кўриб чиқдилар.
Форумда Олий Мажлис Сенати раиси ҳам сўзга чиқиб, Ўзбекистон дунёнинг тез ривожланаётган мамлакатларидан бири сифатида гендер масаласига устувор аҳамият бераётганини, тарихий қисқа муддатда президент Шавкат Мирзиёев раҳбарлигида оилалар мустаҳкамлиги, аёлларнинг ҳуқуқий ҳимояси ва гендер тенгликни таъминлаш масалалари бўйича янги тизим, миллий модель яратилганини алоҳида таъкидлади. Жумладан, Парламентлараро иттифоқ томонидан юритиладиган “Парламентдаги аёллар” рейтингида Ўзбекистон 193 та мамлакат орасида 36-ўринни эгаллади.
Очередная сессия Форума женщин-парламентариев начала свою работу
© Сенат Олий Мажлиса
Шу билан бирга, форумда унинг бугунги формати хотин-қизларга оид минтақа учун хос бўлган долзарб масалаларни биргаликда ҳал қилишнинг самарали механизмига айлангани ҳам қайд этилди.
Шунингдек, форумда 150-ассамблеянинг муҳокама қилинаётган резолюцияларига гендер нуқтаи назаридан таҳлиллар киритилди. Иштирокчилар Фаластинда икки давлат тузиш ечимини илгари суришда парламентларнинг роли ҳамда қуролли можароларнинг узоқ муддатли таъсирини юмшатиш бўйича парламент стратегияларини муҳокама қилдилар.
Шунингдек, “Сиёсатни шакллантирувчи аёллар: аёлларнинг глобал тармоқлари” мавзусида панель муҳокама бўлиб ўтди. Тадбир якунида ишчи гуруҳларнинг раҳбарлари ҳисоботларини тақдим этди ва гендер тенглик бўйича тавсиялар ПИнинг тегишли доимий қўмиталарига йўналтирди.
