“Марказий Осиё — Европа Иттифоқи” саммитида Шавкат Мирзиёев қандай таклифлар билдирди
14:25 04.04.2025 (янгиланди: 15:31 04.04.2025)
© Пресс-служба президента Узбекистана
Oбуна бўлиш
Сўнгги 7 йилда МО давлатларининг ЕИ билан ўзаро товар айланмаси бир неча баробар ўсиб, 54 миллиард еврога етди.
ТОШКЕНТ, 4 апр — Sputnik. Ўзбекистон президенти Шавкат Мирзиёев бугун Самарқандда бўлиб ўтаётган “Марказий Осиё – Европа Иттифоқи” биринчи саммитида нутқ сўзлади.
Президент ўз нутқида келажакда минтақалар орасида ҳамкорликнинг устувор йўналишларига айланиши мумкин бўлган соҳаларни санаб ўтди.
“Марказий Осиё – Европа Иттифоқи” биринчи саммити
© Пресс-служба президента Узбекистана
1.
Сиёсий мулоқотни мустаҳкамлаш мақсадида Марказий Осиё ва Европа Иттифоқи билан шериклик ва ҳамкорлик бўйича тўлақонли Битим имзолаш.2.
Инвестициялар. ЕИ томонидан Марказий Осиёнинг технологик модернизациясига инвестициялар киритиши — ҳамкорликнинг устувор йўналиши бўлиши мумкин.3.
Минерал ресурслар. Саммит давомида стратегик минерал ресурслар соҳасида ҳамкорлик ва инвестицияларни чуқурлаштириш бўйича қарор қабул қилинади.4.
“Тоза” энергия бўйича “Марказий Осиё – Европа Иттифоқи” шериклигининг йўлга қўйилиши билан ўзаро ҳамкорликнинг муҳим платформаси яратилиши мумкин. Ўзбекистон ушбу бўйича тегишли битимни ратификация қилди.5.
Инсон капитали. Марказий Осиё ЕИ билан юқори малакали мутахассисларни тайёрлаш, илмий-таълим, сунъий интеллект, маълумотлар “катта базалари”, рақамлаштириш ва космик тадқиқотлар соҳаларида ҳамкорликдан манфаатдор.Шунингдек, Шавкат Мирзиёев ушбу ташаббус ва келишувларни самарали амалга ошириш мақсадида “Марказий Осиё – Европа Иттифоқи” форматида бош вазир ўринбосарлари даражасида ҳар йили учрашувлари ўтказиб бориладиган Шериклик қўмитасини таъсис этишни таклиф қилди.
Маълумот учун, Самарқандда 3-4 апрель кунлари Шавкат Мирзиёев раислиги “Марказий Осиё – Европа Иттифоқи” саммити бўлиб ўтмоқда. Унда Европа комиссияси раиси Урсула фон дер Ляйен, Қосим-Жомарт Тоқаев, Садир Жапаров, Эмомали Раҳмон, Сердар Бердимуҳамедов ва бошқалар иштирок этмоқда.
“Марказий Осиё – Европа Иттифоқи” биринчи саммити
© Пресс-служба президента Узбекистана
