“Ҳамма жабр кўради”. Дунё етакчилари АҚШнинг янги тарифларидан норози
15:20 03.04.2025 (янгиланди: 15:26 03.04.2025)
© AP Photo / Mark Schiefelbein
Oбуна бўлиш
Грузия, Арманистон, Озарбайжон, Тожикистон, Қирғизистон, Туркманистон ва Ўзбекистон минимал 10% бож киритилган гуруҳда.
ТОШКЕНТ, 3 апр — Sputnik. Чоршанба куни кечқурун АҚШ президенти Дональд Трамп бошқа мамлакатлардан импорт қилинадиган маҳсулотларга ўзаро тарифлар жорий этилишини эълон қилди. Вашингтоннинг ушбу ҳаракатлари дунёнинг кўплаб етакчиларини ғазаблантирди.
Янги тарифлар қайси давлатларга таъсир қилади?
1/4
© Аккаунт Белого дома в соцсети X
2/4
© Аккаунт Белого дома в соцсети X
3/4
© Аккаунт Белого дома в соцсети X
4/4
© Аккаунт Белого дома в соцсети X
1/4
© Аккаунт Белого дома в соцсети X
2/4
© Аккаунт Белого дома в соцсети X
3/4
© Аккаунт Белого дома в соцсети X
4/4
© Аккаунт Белого дома в соцсети X
Оқ уй раҳбари асосий минимал ставка ўн фоиз бўлишини эълон қилди. Грузия, Арманистон, Озарбайжон, Тожикистон, Қирғизистон, Туркманистон ва Ўзбекистон минимал 10% бож киритилган гуруҳда.
Россия ва Беларусь бу чоралар қўлланиладиган давлатлар рўйхатида йўқ.
Дунёдаги реакция
Хитой АҚШни савдо протекционизмида айблади, нотўғри ҳаракатларни тузатишга чақирди ва қарши чоралар кўришга ваъда берди.
Олий Рада: Украина импорти учун 10% бож тўловлари иқтисодий "энг юқори даражадаги цинизм" ҳисобланади.
Франция бош вазири Франсуа Байру тарифларни жаҳон иқтисодиёти учун "фалокат" деб атади.
Колумбия президенти Густаво Петро: тарифларнинг киритилиши неолиберализмнинг ўлимидир.
Германия канцлери вазифасини бажарувчи Олаф Шольц: бу жаҳон савдо тартибига зарба, бундан ҳамма жабр кўради.
Европа Иттифоқи бу чораларни бизнес ва истеъмолчилар учун жиддий зарба деб ҳисоблайди.
Британия бош вазири Кир Стармер: тарифлар иқтисодий оқибатларга олиб келади, Лондон бунга тайёр.
Бразилия Трампнинг қароридан афсусда ва ўз ишлаб чиқарувчилари манфаатларини ҳимоя қилади.
Греция Молия вазирлиги Вашингтоннинг ҳаракатларини протекционизмга қайтиш сифатида баҳолади.
Жанубий Африка тарифларни умумий фаровонлик учун тўсиқ деб ҳисоблади.
Финляндия бош вазири Петтери Орпо: савдо урушида ғолиблар йўқ.
Япония АҚШнинг тарифлар бўйича қарори ЖСТ келишувига мос келмаслигидан хавотирда.
Австралия бош вазири Энтони Альбанезе уларни “мутлақо асоссиз” деб атади.
АҚШ позицияси
Трампнинг сўзларига кўра, божларнинг жорий этилиши Штатларнинг иқтисодий мустақиллиги декларациясига айланади ва давлат қарзини тўлаш учун катта маблағлардан фойдаланишга ёрдам беради.
Ўз навбатида, АҚШ молия вазири Скотт Бессент бошқа мамлакатларни Америка импорт божларига жавоб чораларини жорий этишдан огоҳлантирди ва бу фақат савдо соҳасида зиддиятларнинг кучайишига олиб келиши мумкинлигини таъкидлади.
