Таълим тили ўзбек тили бўлмаган битирувчилар учун ҳам давлат тилидан имтиҳон бўлади

© Давлат тест маркази Тест синовлари
Тест синовлари  - Sputnik Ўзбекистон, 1920, 27.02.2025
Oбуна бўлиш
Умумий ўрта таълим муассасаларида якуний давлат аттестацияси ўтказиш тартиби белгиланди.
TOШКЕНТ, 27 фев — Sputnik. Энди таълим тили ўзбек тили бўлмаган синф битирувчилари ҳам давлат тилидан имтиҳон топширади. Бу ҳақда мактабгача ва мактаб таълими вазири Ҳилола Умарова ўзининг Telegram-каналида маълум қилди.
Қайд этилишича, Мактабгача ва мактаб таълими вазирининг 2025 йил 20 февралдаги 65-сонли буйруғи билан умумий ўрта таълим муассасаларида якуний давлат аттестацияси ўтказиш тартиби белгиланди.

“Мазкур ҳужжатга асосан умумий ўрта таълим муассасаларида якуний давлат аттестацияси ўтказиладиган фанлар рўйхати ва имтиҳон ўтказиш шакллари, умумтаълим фанлари ҳамда хорижий тилларни билиш даражасини баҳоловчи миллий ва халқаро тан олинган сертификатлар рўйхати тасдиқланди”, — деб ёзади Умарова.

9-синф ўқувчиларининг якуний давлат аттестацияси қуйидаги шаклда ўтказилади:
она тили ва адабиёти (таълим ўзбек тилида олиб бориладиган синфлар учун) фанидан – ёзма;
давлат тили (таълим тили ўзбек тили бўлмаган синфлар учун)дан – ёзма;
математика фанидан – ёзма;
Ўзбекистон тарихи фанидан – ёзма/оғзаки;
жисмоний тарбия фанидан – амалий.
11-синф ўқувчиларининг якуний давлат аттестацияси:
она тили ва адабиёти (таълим ўзбек тилида олиб бориладиган синфлар учун) фанидан – ёзма;
давлат тили (таълим тили ўзбек тили бўлмаган синфлар учун)дан – ёзма;
математика (асосий) / математика (чуқурлаштирилган) фанидан – ёзма;
тарих фанидан – ёзма;
ўқувчининг танлови бўйича: она тили ва адабиёти (қорақалпоқ, рус, қозоқ, туркман, тожик, қирғиз тилида таълим бўлган синфлар учун), биология, физика, кимё, давлат ҳуқуқ асослари, география фанларидан – ёзма;
чет тили фанидан ёзма/оғзаки шаклда ўтказилади.
Маълумот учун, 2025 йилидан бошлаб таълим ўзбек тилида олиб борилмайдиган умумий ўрта таълим муассасаларининг 11-синф битирувчилари учун ҳам давлат тилидан якуний назорат имтиҳонларини топшириш мажбурий бўлиши белгиланмоқда.
Чет тилини билиш даражасини аниқлаш тест синовлари  - Sputnik Ўзбекистон, 1920, 21.10.2024
Ўттиздан ортиқ олийгоҳда ўзбек тили ва адабиёти бўйича кадрлар тайёрланмоқда — вазирлик
Янгиликлар лентаси
0