Ўзбекистон армиясида дронлар ва уларга қарши кураш бўлинмалари ташкил этилади
15:40 21.02.2025 (янгиланди: 16:03 21.02.2025)
© Пресс-служба президента Узбекистана
Oбуна бўлиш
Президент Инновацион технологиялар марказига ташриф буюриб, у ерда ишлаб чиқарилаётган маҳсулотлар билан танишди.
ТОШКЕНТ, 21 фев — Sputnik. Ўзбекистон президенти ва Қуролли Кучлар бош қўмондони Шавкат Мирзиёев раислигида давлат мудофаасини мустаҳкамлаш масалаларига бағишланган йиғилиши бўлиб ўтди.
Унда Ўзбекистон армиясида дронлар ва уларга қарши кураш бўлинмалари ташкил этиш, роботлашган техникаларни қўллаш ва бошқа масалалар кўтарилди.
“Ҳозирги кунда турли минтақавий можароларда сунъий интеллект, робот, ракета, дрон ва уларга қарши воситалар кенг қўлланмоқда. Шундан келиб чиқиб, қўшинларда дронлар ва уларга қарши курашиш, сунъий интеллект билан ишлайдиган кибертузилмалар, роботлашган техникаларни қўллаш ва ҳаво ҳужумидан мудофаа бўйича янги бўлинмаларни ташкил этиш зарурлиги кўрсатиб ўтилди”, - дейилади мажлис баёнотида.
Шунингдек, президент “Бош сержантлар корпуси” фаолиятини такомиллаштириш, мудофаа саноатини янада ривожлантириш, ҳарбий хизматчиларни ва уларнинг оила аъзоларини ижтимоий қўллаб-қуватлаш, ёшларни ватанпарварлик руҳида тарбиялаш ва ҳарбий спорт соҳасига йўналтириш каби муҳим вазифаларни белгилаб берди.
Президент посетил Центр инновационных технологий Агентства оборонной промышленности
© Пресс-служба президента Узбекистана
Шунингдек, президент Мудофаа саноати агентлигининг Инновацион технологиялар марказига ташриф буюриб у ерда амалга оширилаётган ишлар билан танишди.
Бугунги кунда Марказида 80 тага яқин ҳарбий ва икки хил мақсадга мўлжалланган маҳсулотлар ишлаб чиқарилмоқда. Шунингдек, робототехника ва учувчисиз аппаратлар бўйича стартап лойиҳалари қўллаб-қувватланмоқда.
Бугунги кунда Марказида 80 тага яқин ҳарбий ва икки хил мақсадга мўлжалланган маҳсулотлар ишлаб чиқарилмоқда. Шунингдек, робототехника ва учувчисиз аппаратлар бўйича стартап лойиҳалари қўллаб-қувватланмоқда.
Ўзбекистон мудофаа саноати 17-21 февраль кунлари Абу-Дабида бўлиб ўтаётган "IDEX-2025" халқаро қурол кўргазмасида Республикада ишлаб чиқарилган 100 дан ортиқ ҳарбий техникаларни намойиш этмоқда. Хусусан, "Арслон 8×8" ва "Арслон 6×6" зирҳли транспортёрлар, "Тўфон" ўзиюрар гаубицаси шулар жумласидан.
Президент посетил Центр инновационных технологий Агентства оборонной промышленности
© Пресс-служба президента Узбекистана
