Сенат ҳузуридаги Ёшлар парламентининг янги таркиби тасдиқланди
11:41 07.02.2025 (янгиланди: 12:43 07.02.2025)
© Сенат Олий Мажлиса
Oбуна бўлиш
Ёшлар парламентининг 100 нафардан иборат янги таркиби тасдиқланди.
TOШКЕНТ, 7 фев — Sputnik. Ўзбекистон Олий Мажлиси Сенатида парламент юқори палатаси ҳузуридаги Ёшлар парламентининг биринчи мажлиси бўлиб ўтди. Бу ҳақда Сенат матбуот хизмати хабар берди.
Унинг ишида Сенат раиси Танзила Нарбаева иштирок этди. Шунингдек, тадбирда сенаторлар, халқ депутатлари маҳаллий Кенгашларининг раислари, доимий комиссиялари аъзолари, ҳудудлардаги фаол ёшлар ва оммавий ахборот воситалари вакиллари қатнашди.
Определены приоритетные задачи деятельности Молодежного парламента при Сенате Олий Мажлиса
© Сенат Олий Мажлиса
Ёшлар парламентининг ваколат муддати тугаши муносабати билан унинг янгиланган таркиби шакллантирилди. Ишлаб чиқилган низомга кўра, унинг таркиби маҳаллий Кенгашлар тавсияси асосида 84 нафар 30 ёшгача бўлган депутатлардан, 10 нафар Ёшлар ишлари агентлиги ҳамда 6 нафар Сенатнинг тегишли қўмитаси тавсиясига асосан шакллантирилган. Шу тарзда, Ёшлар парламентининг 100 нафардан иборат янги таркиби тасдиқланди.
Жамоанинг 13 нафари турли давлат мукофотлари билан тақдирланган, 11 нафари хорижий олий ўқув юртларини тамомлаган бўлиб, таркибнинг 95 фоизини олий маълумотли ёшлар ҳамда 30 фоизини хотин-қизлар ташкил этмоқда.
Определены приоритетные задачи деятельности Молодежного парламента при Сенате Олий Мажлиса
© Сенат Олий Мажлиса
Мажлисда ташкилий масала кўриб чиқилди. Лайло Аслонова Ёшлар парламенти раиси этиб бир овоздан сайланди. Шунингдек, Иброҳимжон Жўрабоев ҳамда Азизбек Очилбоев Ёшлар парламенти раиси ўринбосарлари этиб тасдиқланди. Шунингдек, Ёшлар парламентининг комиссиялари раислари ва уларнинг аъзолари ҳам сайланди.
Определены приоритетные задачи деятельности Молодежного парламента при Сенате Олий Мажлиса
© Сенат Олий Мажлиса
Ташкилий масаладан cўнг Танзила Нарбаева Ёшлар парламенти ўз фаолиятида эътибор қаратиши лозим бўлган устувор вазифаларга тўхталиб ўтди. Хусусан, қонун ижодкорлиги жараёнида фаол иштирок этиш, ёшларга доир қонунларни такомиллаштириш юзасидан таклифлар бериш, жойларда ёшлар бандлиги масаласини пухта ўрганиш ва тизимли муаммоларни аниқлаш ҳамда бартараф этишга кўмаклашиш муҳимлиги таъкидланди.
Сўзга чиққан ёшлар томонидан бир қатор муҳим таклиф ва ташаббуслар илгари сурилди. Шунингдек, Ёшлар парламентининг келгусидаги устувор вазифалари ва режалари белгилаб олинди.
