ЕОИИ ялпи ички маҳсулоти 4% ўсди
17:49 31.01.2025 (янгиланди: 18:00 31.01.2025)
© Sputnik / Дмитрий Астахов
/ Oбуна бўлиш
Агросаноат ва транспорт инфратузилмаси лойиҳалари ЕОИИда ривожланишнинг устувор йўналишлари деб эътироф этилди.
ТОШКЕНТ, 31 янв — Sputnik. Ўтган 2024 йилда Евроосиё иқтисодий иттифоқи (ЕОИИ) ялпи ички маҳсулоти (ЯИМ) 4% га ўсди. Бу ҳақида Олмаотада бўлиб ўтган ЕОИИ ҳукуматлараро кенгашида маълум бўлди.
"ЕОИИнинг дастлабки ҳисоб-китобларига кўра, 2024 йилда ЕОИИ умумий ялпи ички маҳсулоти 4% га ўсди, бу эса ўртача глобал ўсиш суръати (3,2%) ва дастлабки прогнозлардан юқоридир", - дейилади хабарда.
Шунингдек, хабарда айтилишига кўра, ўзаро товар айирбошлаш қиймати 2024 йилда ташқи ва бошқа интеграция бирлашмаларидаги ўзаро савдога нисбатан юқори суръатларда ўсишда давом этди ва 2026 йилга бориб қарийб 100 миллиард АҚШ долларини ташкил этади.
Ривожланишнинг устувор йўналишлари
Евроосиё ҳукуматлараро кенгаши комиссияга ЕОИИ мамлакатлари билан биргаликда агросаноат мажмуаси ва унинг инфратузилмасини қўшма кооперация лойиҳаларини молиявий қўллаб-қувватлаш механизмларини кенгайтириш масаласи устида ишлаш бўйича топшириқ берди.
ЕОИИ мамлакатларида ўзаро кооперация лойиҳаларини амалга оширишда энг юқори устуворлик қишлоқ хўжаликда ўсимликлар селекцияси ва уруғчилигини, чорвачиликни ривожлантириш, қишлоқ хўжалиги маҳсулотларини қайта ишлаш, агросаноат мажмуаси инфратузилмасини яхшилашга қаратилади.
ЕОИИ мамлакатларида ўзаро кооперация лойиҳаларини амалга оширишда энг юқори устуворлик қишлоқ хўжаликда ўсимликлар селекцияси ва уруғчилигини, чорвачиликни ривожлантириш, қишлоқ хўжалиги маҳсулотларини қайта ишлаш, агросаноат мажмуаси инфратузилмасини яхшилашга қаратилади.
Шунингдек, ЕОИИ транспорт коридорларига кирувчи темир йўл, автомобиль ва порт инфратузилмасини ривожлантиришга алоҳида эътибор қаратилади.
Евроосиё транспорт коридорлари ЕОИИ транзит ташиш ҳажмининг қарийб 70 фоизини ташкил қилади, бу эса ҳар бир мамлакатнинг миллий бўлимларини ривожлантиришда синхронлаштириш муҳимлигини таъкидлайди, дейилади ҳисоботда.
Евроосиё транспорт коридорлари ЕОИИ транзит ташиш ҳажмининг қарийб 70 фоизини ташкил қилади, бу эса ҳар бир мамлакатнинг миллий бўлимларини ривожлантиришда синхронлаштириш муҳимлигини таъкидлайди, дейилади ҳисоботда.
