https://sputniknews.uz/20250102/2024-yilda-vafot-etgan-mashhurlar-47327476.html

Бобомурод Ҳамдамов, Тўлқин Тожиев — 2024 йилда вафот этган машҳурлар

Бобомурод Ҳамдамов, Тўлқин Тожиев — 2024 йилда вафот этган машҳурлар

Sputnik Ўзбекистон

2024 йил ўз ниҳоясига етмоқда. Ҳеч бир йил йўқотишсиз бўлмайди. Бу йилда ҳам эл ҳурматига сазовор бўлган, ўзидан ёрқин хотира қолдирган кўплаб таниқли шахслар бу оламни тарк этди. Sputnik Ўзбекистон мақоласида улар билан танишинг.

2025-01-02T21:36+0500

2025-01-02T21:36+0500

2025-01-02T21:36+0500

ўзбекистон

маданият

санъат

режиссер

фермерлар

шоир

журналист

вафот этди

https://cdn1.img.sputniknews.uz/img/07e8/0c/1a/47329623_0:320:3072:2048_1920x0_80_0_0_db1627b75370dcacf317c7834f3ef232.jpg

Турғун Азизов – 22 январьЎзбек кино ҳамда театр санъатининг чинакам афсонаси, актёр ва режиссёр, Ўзбекистон халқ артисти Турғун Азизов 90 ёшида вафот этди.Турғун Азизов “Мафтунингман”, “Одамлар орасида ёлғиз”, “Ҳаёт тунда ўтиб кетди”, “Оловли йўллар”, “Қабрдан қайтган умр”, “Нодирабегим” каби кўплаб фильмларда роллар ижро этган. Театр саҳнасида кўплаб классик ва шоҳ асарларда бош қаҳрамонларни гавдалантириш билан бир қаторда 15 тадан ортиқ спектаклни режиссёр сифатида саҳнага қўйган.Аброр Турсунов – 7 февральАктёр ва режиссёр Аброр Турсунов “Кулол ва хурмача” фильмидаги роли билан мухлисларга таниш бўлган.Киноактёр фаолияти давомида “Чинор остидаги дуэл”, “Суюнчи”, “Абдуллажон”, “Ким жинни”, “Аёллар салтанати” каби кўплаб фильмларда рол ижро этган.Жасур Шаметов – 10 февральОператор ва режиссёр Жасур Шаметов 39 ёшида вафот этди. У “Зарб”, “Гуноҳ”, “Пойма пой”, “Садоқат”, “Қалбаки дунё”, “Аччиқ ҳаёт”, “Қалбим ўғриси” каби бир қанча бадиий фильмларда операторлик, “Маҳаллада нима гап” мусиқий-комедик фильмида режиссёрлик, “МТВ шоу” дастурида продюсерлик қилган. Маҳоратли оператор бир қанча халқаро танловларда иштирок этган.Эркин Самандар – 13 апрельЎзбекистонда хизмат кўрсатган журналист, шоир, носир ва драматург Эркин Самандар 89 ёшида вафот этди.У 1990-1993-йилларда Ўзбекистон Бош вазирининг ўринбосари лавозмида ҳам фаолият юритган.Машраб Кимсанов – 2 майЎзбекистонда хизмат кўрсатган артист, таниқли киноактёр Машраб Кимсанов 69 ёшида вафот этди.Машраб Кимсанов “Водиллик келин”, “Оловли йўллар”, “Отамдан қолган далалар”, “Масхарабоз”, “Умид”, “Зебузар”, “Ҳаёт мамот”, “Ҳақиқий эркаклар ови”, “Сеҳрли қалпоқча”, “Онагинам орзуси” каби фильмларда эсда қоларли ролларни ижро этган. Шунингдек, ижодкор “Тоғлик куёв” фильмининг постановкачи режиссёри ҳисобланади.Малика Қаюмова – 13 июньЎзбекистонда хизмат кўрсатган артист Малика Қаюмова 70 ёшда оламдан ўтди.Малика Қаюмова театр санъатида ўзига хос ўчмас из қолдирган. У ўзининг ижодий фаолияти даврида театрда саҳналаштирилган 30 дан зиёд спектаклларда бош ролларни ҳамда характерли образларни гавдалантирган. “Тақдир”да амма, “Девона”да она, “Алпомиш”да Кунтуғмиш, “Фотима ва Зуҳра”да она, “Пари қишлоқ”да она каби образларни яратган.Беҳзод Йўлдошев – 28 августЎзбекистон Фанлар академияси президенти, юқори энергиялар физикаси соҳасида халқаро миқёсда таниқли ва эътироф этилган олим, физика-математика фанлари доктори, профессор, академик Беҳзод Йўлдошев 79 ёшида вафот этди.Бобомурод Ҳамдамов – 2 сентябрьЎзбекистон, Туркманистон ва Қорақалпоғистон халқ артисти Бобомурод Ҳамдамов 84 ёшида вафот этди.Бобомурод Ҳамдамов ўзбек миллий қўшиқчилик санъатининг ривожланишида салмоқли ҳисса қўшган. Унинг “Султон Жалолиддин”, “Ким экан”, “Девона”, “Галдиму”, “Қўрқдим” каби қўшиқлари кенг оммалашган.Мусахон Нурматов – 9 сентябрьЎзбекистонда хизмат кўрсатган маданият ходими, таниқли бастакор Мусахон Нурматов 56 ёшида вафот этди.Мусахон Нурматов 1990-йиллар охири, 2000-йиллар бошида яратилган ўзбек миллий этрада санъатидаги юзлаб қўшиқлар мусиқасининг муаллифи. Унинг “Лайлим”, “У гўзал бошқа”, “Адашдим”, “Яна соғиндим, яна”, “Мени севиб қолсайдинг” каби қўшиқлари машҳур.Бибисора Туробова – 15 сентябрьТаниқли шоира Бибисора Туробова 72 ёшида вафот этди.Унинг ўнга яқин шеърий китоблари нашр этилган. Шоиранинг 2011 йилда ёзилган “Ўлсам, жанозамни булбул ўқисин” шеъри машҳур.Аҳмад Нарзуллаев – 1 ноябрьТаниқли фермер, Ўзбекистон Қаҳрамони Аҳмад Нарзуллаев 68 ёшида вафот этди.У 1991 йилдан “Лочин” фермер хўжалиги раҳбари сифатида фидокорона меҳнат қилган. “Ўзбекистон Қаҳрамони” унвони ва “Меҳнат шуҳрати” ордени билан мукофотланган.Ҳалима Ибрагимова – 7 декабрьАктриса Ҳалима Ибрагимова 45 ёшида вафот этди. Ҳалима Ибрагимова “Мирзо” театри аъзоси эди.Тўлқин Тожиев – 13 декабрьЎзбек Миллий академик драма театри устоз санъаткори, ўзбек дубляж санъатининг қироли, Ўзбекистон халқ артисти Тўлқин Тожиев 88 ёшда вафот этди.Тўлқин Тожиев Ўзбек Миллий академик драма театрида юздан ортиқ образлар яратган. “Ўзбекфилм” киностудиясида ўзбекчага ўгирилган мингдан ортиқ хориж фильмига овоз берган.Шафоат Раҳматуллаева – 24 декабрьЎзбекистон халқ артисти, театр ва кино актрисаси Шафоат Раҳматуллаева 83 ёшда вафот этди.У кўп йиллар давомида театр соҳасида фаолият юритиб келган. Шунингдек, кинофильмларда турли ролларни ижро этган.

ўзбекистон

2025

Янгиликлар

uz_UZ

2024 йил вафот этди машҳурлар