Москва Украина бўйича келишувда қуруқ гаплар билан қаноатланмайди — Лавров
14:12 26.12.2024 (янгиланди: 14:15 26.12.2024)
© Sputnik / Рамиль Ситдиков
/ Oбуна бўлиш
Россия ташқи ишлар вазири Сергей Лавров Россия ва хорижий оммавий ахборот воситалари вакиллари билан матбуот анжумани ўтказди.
TOШКЕНТ, 26 дек — Sputnik. Россия Украинадаги нишонларни таҳдидларга қараб танлайди. Бу ҳақда Россия ташқи ишлар вазири Сергей Лавров Россия ва хорижий оммавий ахборот воситалари вакиллари билан матбуот анжуманида маълум қилди.
“Биз Украина ҳудудидаги йўқ қилиш учун нишонларни фақат Россия Федерациясидан келаётган таҳдидлар асосида танлаймиз. Булар ҳарбий объектлар, мудофаа саноати корхоналари ва Киевдаги қарорлар қабул қилиш маркази бўлиши мумкин”, — деди ТИВ раҳбари.
Унинг сўзларига кўра, Украинадаги сулҳ - ҳеч қаерга олиб борадиган йўл, Москва келишув ҳақидаги қуруқ гаплар билан қаноатланмайди.
“Биз қуруқ гап билан қаноатланмаймиз. Ҳозирча биз эшитган нарса - қандайдир сулҳ тузиш зарурлиги ҳақидаги гаплар...Сулҳ - ҳеч қаерга олиб борадиган йўл, бизга Россия Федерацияси хавфсизлиги ва қўшниларимизнинг қонуний хавфсизлик манфаатларини таъминлаш учун барча шарт-шароитларни белгилайдиган якуний ҳуқуқий келишувлар керак, аммо халқаро ҳуқуқий асосда ушбу келишувларни бузиш мумкин эмаслигини белгилайдиган контекстда”, — дея аниқлик киритди у.
Қайд этилишича, сулҳ Киевни қурол-яроғ билан тўлдиришга вақт орттириш учун зарур эканлигини ҳақиқатдан ҳам ҳеч ким яширмайди.
Россия АҚШнинг сайланган президенти Дональд Трамп маъмурияти билан Украинадаги вазиятни тартибга солиш масаласида маслаҳатлашишга тайёр Москва Оқ уй можаронинг асл сабабларини ўрганишига умид қилмоқда
“Жаноб Трамп маъмурияти, жумладан жаноб (АҚШнинг Украина бўйича бўлажак махсус вакили Кейт – таҳр.) Келлог можаронинг асл сабабларини ўрганишига чин дилдан умид қиламан”, — деди Лавров.
Россия тенг ҳуқуқли мулоқот ва мувозанат излашга тайёр бўлган Ғарб давлатларининг вакиллари билан мулоқотга очиқ.
“Биз манфаатлар мувозанатини, ўзаро манфаатли келишувларни излаб, тенг ҳуқуқли мулоқот тарафдори бўлган барча Ғарб вакиллари билан гаплашишга тайёрмиз, буни бир неча бор таъкидлаганмиз”, — деди Лавров.
Вазирнинг айтишича, бундай вакиллар бор - булар Венгрия ва Словакия.
"Европа Иттифоқининг бошқа аъзолари ҳам аста-секин баъзи махфий суҳбатларни сўрашни бошлашмоқда, аммо жуда кам одам очиқчасига гапиришга журъат эта олади, Европа Иттифоқида қаттиқ тартиб-интизом бор", — дея қўшимча қилди Россия ТИВ раҳбари.
Лавровнинг айтишича, Франция бир неча бор ёпиқ каналлар орқали Россияга Украина бўйича Киев иштирокисиз мулоқот ўрнатишни таклиф қилган.
Россия Суриянинг янги расмийлари билан алоқаларни давом эттирмоқда ва минтақавий масалалар бўйича мулоқотдан манфаатдор, деди Сергей Лавров.
“Биз дипломатик миссиямиз орқали Суриянинг янги расмийлари билан алоқаларни давом эттирамиз. Аввало, биз ҳозир Россия фуқаролари хавфсизлигини таъминлаш ва элчихонамиз хавфсиз ишлаши билан боғлиқ масалаларни муҳокама қилмоқдамиз”, — деди Лавров. “Биз икки томонлама муносабатларимизнинг бошқа масалалари ва минтақавий кун тартибидаги масалалар бўйича мулоқотга тайёрмиз”.
