Тошкентда "KHL World Games": янги рекорд ва унутилмас таассуротлар
Тошкентда "KHL World Games": янги рекорд ва унутилмас таассуротлар
Sputnik Ўзбекистон
Тошкентдаги "Humo Arena" спорт мажмуасида "KHL World Games" доирасида Москванинг “Спартак” ва Минскнинг “Динамо” жамоалари ўртасидаги тарихий учрашув 9405... 23.12.2024, Sputnik Ўзбекистон
Ўйинда иштирок этганлар ва мухлислар ўйинни юқори баҳолашди. KHL президенти Алексей Морозовнинг фикрига кўра, Тошкентдаги ўйин юқори даражада ўтди.Ўйин нафақат жозибадор голлари, балки ёш хоккейчилар учун маҳорат дарслари ва мухлисларга улашилган совғалар билан эсда қолди. Тошкентдаги бу ўйин KHL мусобақаларининг келгуси мавсумларда ҳам Ўзбекистонда ўтказилишига йўл очиши мумкин.Хоккей байрами — Sputnik Ўзбекистон фототасмасида.
Тошкентдаги "Humo Arena" спорт мажмуасида "KHL World Games" доирасида Москванинг “Спартак” ва Минскнинг “Динамо” жамоалари ўртасидаги тарихий учрашув 9405 нафар мухлисни жалб қилди.
Ўйинда иштирок этганлар ва мухлислар ўйинни юқори баҳолашди. KHL президенти Алексей Морозовнинг фикрига кўра, Тошкентдаги ўйин юқори даражада ўтди.
“Динамо ва Спартак ажойиб ўйин кўрсатиб, мухлисларни қувонтирди. "KHL World Games" тарихидаги энг катта мухлислар сони билан тарихий натижага эришдик. Бу каби учрашувлар хоккейнинг ривожига катта ҳисса қўшади", — деди у.
Ўйин нафақат жозибадор голлари, балки ёш хоккейчилар учун маҳорат дарслари ва мухлисларга улашилган совғалар билан эсда қолди. Тошкентдаги бу ўйин KHL мусобақаларининг келгуси мавсумларда ҳам Ўзбекистонда ўтказилишига йўл очиши мумкин.
Хоккей байрами — Sputnik Ўзбекистон фототасмасида.
Тошкент 22 декабрь куни KHL World Games ўйинини қабул қилган 16-давлатга айланди. Москва “Спартак”ининг 78 йиллик юбилейи билан мос келган ўйинда жамоа Минск “Динамо”сини 3:2 ҳисобида мағлуб этди.
Тошкентда илк бор Ўзбекистон хоккей федерацияси кўмагида Минскнинг “Динамо” ва Москванинг “Спартак” жамоалари ўртасида Минтақавий хоккей лигасининг ўйини ўтқазилди.
Ўйин давомида турли тадбирлар ташкил этилди. Ўзбекистон хоккей федерацияси мактабларидаги ёшлар Илья Ковалчук, Сергей Фёдоров ва Валерий Каменский каби хоккей юлдузлари томонидан ўтказилган машғулотларда иштирок этишди. Бу маҳорат дарслари ёшлар учун унутилмас имконият бўлди.
Мухлислар учун уйғун тадбирлар, имзолар сессияси, stand-up чиқишлари ташкил этилди, шунингдек, iPhone 16 совғаларини ютиб олиш имконияти томошабинлар учун ўзгача таассуротлар улашди.
![Учрашувга рекорд даражада — 9405 киши ташриф буюрди, бу "KHL World Games" тарихидаги энг катта аудитория бўлди. - Sputnik Ўзбекистон](https://cdn1.img.sputniknews.uz/img/07e8/0c/17/47252833_0:0:3072:2048_600x0_80_0_1_1708af83aa16e659107788b083faf53a.jpg "Учрашувга рекорд даражада — 9405 киши ташриф буюрди, бу "KHL World Games" тарихидаги энг катта аудитория бўлди.")
