Японияга янги бош вазир тайинланмоқда — у ким
14:50 27.09.2024 (янгиланди: 16:52 27.09.2024)
© RT / ЛДП Японии
Oбуна бўлиш
Собиқ мудофаа вазири Сигэру Исиба 1 октябрдан Япония бош вазири этиб тайинланиши кутилмоқда.
ТОШКЕНТ, 27 сен – Sputnik. Сигэру Исиба ҳукмрон Япониянинг Либерал-демократик партия (ЛДП) раиси этиб сайланди, РИА Новости хабарига асосан.
Исиба партиядошларига унга бўлган ишонч учун миннатдорлик билдириб, марҳум бош вазир Синдзо Абэ даврида ҳам у партия бош котиби этиб тайинланганини эслади.
"Ўшанда ҳамиша ҳалоллик ва камтарлик билан иш тутган ҳолда эркин ва очиқ мунозаралар олиб бориш мумкин эди. Мен ўша даврларга қайтмоқчиман. Одамларга ишониш ва ҳақиқатни жасорат билан айтиш орқали мен яна Японияни ҳамма яшайдиган мамлакатга айлантирмоқчиман. Ўзимни хавфсиз ва хотиржам ҳис қила оламан, мен, Сигэру Исиба, ўзимни бу вазифага бағишлаш ниятидаман”, — дея қўшимча қилди ҳукмрон партиянинг янги раиси.
1 октябрь куни парламентнинг навбатдан ташқари йиғилиши бўлиб ўтади. Унда ЛДП раиси Япониянинг янги бош вазири этиб тайинланиши кутилмоқда.
Август ойида амалдаги бош вазир Кисида иккинчи муддатга ўз номзодини қўймаслигини эълон қилган эди.
Сигэру Исиба ким?
У 1957 йил 4 февралда сиёсий оилада туғилган. Унинг отаси Жиро Исиба 1958 йилдан 1974 йилгача Тоттори префектураси губернатори бўлиб ишлаган, кейинчалик ички ишлар вазири бўлган.
Кеио университетининг юридик факультетини тугатгандан сўнг Исиба молия соҳасида ишлаган (Mitsui bank). Отасининг вафотидан кейин у сиёсатга кира бошлади. 1986 йилда 33 ёшида ЛДП партиясидан Вакиллар палатасига сайланган.
Исибанинг 1990 йилги Форс кўрфази уруши ва 1992 йилда Шимолий Кореяга ташрифи давомида унинг мудофаа масалаларига қизиқишини уйғотди. У 2007—2008 йилларда Япония мудофаа вазири, 2008—2009 йилларда қишлоқ, ўрмон ва балиқ хўжалиги вазири, 2012—2014 йилларда ЛДП бош котиби лавозимларида ишлаган.
Кеио университетининг юридик факультетини тугатгандан сўнг Исиба молия соҳасида ишлаган (Mitsui bank). Отасининг вафотидан кейин у сиёсатга кира бошлади. 1986 йилда 33 ёшида ЛДП партиясидан Вакиллар палатасига сайланган.
Исибанинг 1990 йилги Форс кўрфази уруши ва 1992 йилда Шимолий Кореяга ташрифи давомида унинг мудофаа масалаларига қизиқишини уйғотди. У 2007—2008 йилларда Япония мудофаа вазири, 2008—2009 йилларда қишлоқ, ўрмон ва балиқ хўжалиги вазири, 2012—2014 йилларда ЛДП бош котиби лавозимларида ишлаган.
Сиёсий қарашлари бўйича Исиба Япония атрофида НАТО каби кучли бўлган Осиё ҳимоя иттифоқини ташкил қилиш керак деб ҳисоблайди.
