Европа Россия билан зиддиятга киришмоқда — Сербия бош вазири ўринбосари

© Sputnik / Владимир Сергеев / Медиабанкка ўтишФлаги России и ЕС
Флаги России и ЕС - Sputnik Ўзбекистон, 1920, 13.08.2024
Oбуна бўлиш
Александр Вулин: Европа Россия билан ҳеч қандай сабабларсиз зиддиятга киришмоқда.
ТОШКЕНТ, 13 авг — Sputnik. Европада Россия билан можаро авж олди, гарчи Москвадан ҳеч қандай таҳдид бўлмаса-да. Бу ҳақда Сербия бош вазири ўринбосари Александр Вулин РИА Новости агентлигига берган интервьюсида маълум қилди.
“Ҳозир Европа Россия билан ҳеч қандай сабабларсиз зиддиятга киришмоқда, Россия ҳеч қандай тарзда Европага таҳдид солгани йўқ”, — деди у.
Вулин, шунингдек, Россия ва Сербияни бир-бирига қарши қайрашга бўлган уринишларга эътибор қаратди.
Унинг сўзларига кўра, кўплаб серб нодавлат ташкилотларига Россия жамоатчилик фикрига имкон қадар кўпроқ босим ўтказиш ва шунга мос равишда Москва ва Белград ўртасидаги муносабатларни бузиш учун Сербиянинг Украинани қуроллантириш мавзусини оммавий ахборот воситаларида фаол тарғиб қилиш вазифаси берилган.
Бу уринишлар "Россия собиқ СССР чегараларидан ғарбда Россияни чексиз ҳурмат қиладиган ягона самимий дўст мамлакатсиз" ва Сербиясиз қолишини таъминлашга қаратилган — халқаро майдонда буюк тарихий иттифоқчисиз, деб ҳисоблайди бош вазир ўринбосари.
Шу билан бирга, у Украинага серб қуроллари етказиб берилиши ҳақидаги хабарларни рад этиб, харидорлар уларни учинчи давлатларга етказиб бериш учун рухсат сўрамаганини таъкидлади.
“Биз қурол ва ўқ-дориларни Сербия розилигисиз учинчи давлатга сотиш мумкин эмаслиги тўғрисида харидорларга қўшимча кафолатлар бериш мажбуриятини киритган ягона давлатмиз. <…> Биз бу талабни қўшдик ва барча шартномаларда шуни талаб қилдик. Билишимча, бошқа давлатлардан маҳсулотимизни учинчи давлатларга сотиш бўйича ҳеч қандай сўров бўлмаган”, — деди Сербия ҳукумати раҳбари ўринбосари.
Путин провел совещание по ситуации в Курской области - Sputnik Ўзбекистон, 1920, 12.08.2024
"Душман муносиб жавоб олади": Путиннинг Курск вилоятидаги вазият бўйича асосий фикрлари
Янгиликлар лентаси
0