Эронлик инвестор Қашқадарёда янги лойиҳаларни бошламоқчи
© Пресс-служба хокимията Кашкадарьинской области
Oбуна бўлиш
Инвестор Моҳаммаджавад Ҳейдарпоур Деҳқонобод туманида бўлиб, туман ҳокими билан учрашди ва бу ерда пистачилик ҳамда ковракчилик плантациялари яратиш ниятида эканлигини маълум қилди.
TOШКЕНТ, 2 август — Sputnik. Эронлик инвестор Қашқадарё вилоятининг Деҳқонобод туманида янги лойиҳаларни бошлаш мақсадида ўрганиш ишларини олиб борди. Бу ҳақда вилоят ҳокимлиги ахборот хизмати хабар берди.
Инвестор Муҳаммаджавад Ҳайдарпоур Деҳқонобод туманида бўлиб, туман ҳокими билан учрашди ва бу ерда пистачилик ҳамда ковракчилик плантациялари яратиш ниятида эканлигини маълум қилди. Инвесторни қабул қилган масъуллар уни туманнинг ушбу соҳадаги имкониятлари билан таништирди.
Масъуллар ва инвестор тумандаги тадбиркор Ваҳоб Норсафаров томонидан ташкил этилган писта ва коврак плантациясида бўлиб, ҳудудда ташкил этилган лойиҳани кўздан кечирди.
Иранский инвестор запускает новые проекты в Кашкадарье
© Пресс-служба хокимията Кашкадарьинской области
Шунингдек, эронлик сармоядор “Деҳқонобод калий заводи” АЖда ҳам бўлиб, заводда ишлаб чиқарилаётган калий хлорид минерал ўғитини қайта ишлаган ҳолда калий сульфат ва калий нитрат ишлаб чиқариш лойиҳаси билан танишди ҳамда завод масъуллари билан музокаралар олиб борди.
Инвестор туманнинг “Бозортепа” маҳалласидаги пистачилик ва ковракчилик плантацияси яратишга мўлжалланган 500 гектар бўш ер майдони билан танишди. У ҳудудда лойиҳани амалга ошириш учун барча шароитлар мавжуд эканлигини, компаниясининг мутахассислари келиб майдондаги тупроқ ва сув намуналарини лаборатория текширувларидан ўтказишини, барча текширувлар ижобий чиққач бошланишига 500 гектар ер майдонининг 30 фоизига лойиҳа асосида иш бошлаш ниятида эканлигини таъкидлади.
Эронлик сармоядор туман ҳокими Шерзод Шокиров томонидан муносиб кузатилди.
Иранский инвестор запускает новые проекты в Кашкадарье
© Пресс-служба хокимията Кашкадарьинской области
