Ўзбекистон ва Озарбайжон ўртасида сиёсий маслаҳатлашувлар бўлиб ўтди

© Пресс-служба МИД УзбекистанаОчередной раунд политических консультаций между министерствами иностранных дел Республики Узбекистан и Азербайджанской Республикой
Очередной раунд политических консультаций между министерствами иностранных дел Республики Узбекистан и Азербайджанской Республикой - Sputnik Ўзбекистон, 1920, 26.07.2024
Oбуна бўлиш
Музокараларда икки томонлама муносабатлар кун тартиби батафсил кўриб чиқилди.
TOШКЕНТ, 26 июл — Sputnik. Кеча, 25 июль куни, Тошкент шаҳрида Ўзбекистон ва Озарбайжон ташқи ишлар вазирликлари ўртасида сиёсий маслаҳатлашувларнинг навбатдаги давраси бўлиб ўтди. Бу ҳақда Ўзбекистон ташқи ишлар вазирлиги матбуот хизмати хабар берди.
Музокараларда икки томонлама муносабатлар кун тартиби батафсил кўриб чиқилди, олий даражада эришилган келишувларни амалга ошириш жараёни муҳокама қилинди, шунингдек, бўлажак тадбирлар жадвали келишиб олинди.
Савдо-иқтисодий, инвестициявий ва маданий-гуманитар соҳаларда қўшма лойиҳаларни амалга оширишни таъминлаш учун ташқи сиёсат идоралари ўртасида яқин ҳамкорликни давом эттириш зарурлиги алоҳида таъкидланди. Барча соҳаларда ривожланаётган алоқаларни ҳисобга олган ҳолда муносабатларнинг шартномавий-ҳуқуқий базасини янада кенгайтириш муҳимлиги қайд этилди.
Кўп томонлама тузилмалар, биринчи навбатда, Бирлашган Миллатлар Ташкилоти ва Туркий давлатлар ташкилоти доирасидаги ўзаро ҳамкорликни мустаҳкамлашга алоҳида эътибор қаратилди.
Томонлар, шунингдек, долзарб халқаро ва минтақавий масалалар юзасидан фикр алмашдилар.
Ўзбекистон ва Озарбайжон кўп қиррали ҳамкорликни кенгайтирмоқда - Sputnik Ўзбекистон, 1920, 11.07.2024
Ўзбекистон ва Озарбайжон савдо ҳажмини 1 миллиард долларга етказмоқчи
Янгиликлар лентаси
0