Мустақилликнинг 33 йиллигига тайёргарлик кўриш тўғрисида президент қарори қабул қилинди

© Пресс-служба президента УзбекистанаТоржества, посвященные 32-й годовщине государственной независимости Республики Узбекистан.
Торжества, посвященные 32-й годовщине государственной независимости Республики Узбекистан. - Sputnik Ўзбекистон, 1920, 19.07.2024
Oбуна бўлиш
Тадбирлар “Бир бўлсак – ягона халқмиз, бирлашсак – Ватанмиз!” деган бош ғояни ўзида мужассам этган ҳолда ўтказилади.
TOШКЕНТ, 19 июл — Sputnik. “Ўзбекистон Республикаси давлат мустақиллигининг ўттиз уч йиллик байрамига тайёргарлик кўриш ва уни ўтказиш тўғрисида”ги президент қарори қабул қилинди. Бу ҳақда “Ҳуқуқий ахборот” Телеграм канали хабар берди.
Қарорга кўра, мустақилликнинг 33 йиллик шонли санаси чинакам умумхалқ байрами, озодлик ва саодат айёми сифатида кўтаринки кайфиятда кутиб олинади ҳамда мамлакатнинг бугунги тараққиёт даражаси, юксалиш суръатларига муносиб тарзда нишонланади.
Ташкилий-амалий, маънавий-маърифий тадбирлар ҳамда тарғибот-ташвиқот ишлари “Бир бўлсак – ягона халқмиз, бирлашсак – Ватанмиз!” деган бош ғояни ўзида мужассам этган ҳолда ўтказилади.
Мустақиллик байрами Қорақалпоғистон Республикаси, вилоятлар марказлари ва Тошкент шаҳрида, шунингдек, барча шаҳар ҳамда туманлар, қишлоқ ва овулларда муносиб нишонланиши таъминланади.
“Она диёр – ранглар жилосида”, “Ватан учун яшайлик!”, “Энг улуғ, энг азиз” каби анъанавий кўрик-танловлар юқори даражада ўтказилади.
Мушакбозлик. Архив сурат - Sputnik Ўзбекистон, 1920, 01.09.2023
Мустақиллик кунига бағишланган мушакбозлик — видео
Янгиликлар лентаси
0