Дунёнинг кўплаб онлайн тизимларида муаммо юз берди
14:37 19.07.2024 (янгиланди: 15:21 19.07.2024)
© AP Photo / Elaine Thompson
Oбуна бўлиш
Бутун дунё бўйлаб банклар ва авиакомпаниялар ишида узилишлар юз берди.
ТОШКЕНТ, 19 июл – Sputnik. АҚШ, Германия, Австралия ва яна бир неча мамлакатлардаги хизматларнинг онлайн платформаларда глобал техник носозлик қайд этилган, бунинг оқибатида алоқа операторлари, банклар ва авиакомпаниялар жиддий муаммоларга дуч келди.
Австралиянинг ABC телеканалига кўра, бунга Американинг "CrowdStrike" киберхавфсизлик фирмаси билан боғлиқ. Бу ҳафта "Microsoft" компанияси чиқарган дастур янгиланиши туфайли кўплаб ноутбуклар тасодифий ишдан чиққан ва доимий қайта юкланиб ва "кўк экран хатоси" пайдо бўлган.
Муаммолар кўплаб мамалкатларда кузатилмоқда
Масалан, Австралияда узилиш кўплаб компаниялар ва давлат идоралари, алоқа операторлари, медиа веб-сайтлари, банклар, тўлов тизимлари ва авиакомпанияларга таъсир кўрсатди. ABC нашрининг ўзи ҳам муваффақиятсизликлар қурбони бўлди. Расмийлар фавқулодда инқироз йиғилишини чақирди.
АҚШда учта авиакомпания - "United Airlines", "Delta Airlines" ва "Allegiant Airlines" алоқа муаммолари туфайли ҳатто парвозларни тўхтатишга мажбур бўлишди. Берлин аэропорти маҳаллий вақт билан соат 10:00 гача парвозларни тўхтатди. Испания аэропортларида ҳам “компьютер тизимидаги ҳодиса” туфайли ишни вақтинча чеклашга мажбур бўлишди.
"Turkish Airlines", Ирландиянинг "Ryanair", Ҳиндистоннинг "SpiceJet" ва "Indigo", Германиянинг "Lufthansa", "Scandinavian Airlines" ва Эдинбург, Цюрих, Прага, Дели, Нидерланддаги Схипхол ва бошқа аэропортлар ўз фаолиятида муаммоларга дуч келди.
Сидней аэропортида бир қанча йирик авиакомпаниялар йўловчиларни рўйхатдан ўтказа олмаётгани ва келган одамлар ўз юкларини талаб қила олмаганлиги сабабли тартибсизликлар авж олди.
Францияда "Air France" алоқада узилишлар ҳақида хабар берди, аммо Париж аэропортлари нормал ишламоқда. Буюк Британиядаги узилишлар жадваллари downdetector.com сайтида кузатилди.
Аляскада алоқа узилиши сабабли маҳаллий аҳоли 911 рақамига, шунингдек, бошқа рақамларга қўнғироқ қила олмайди.
Украинада посилкаларни етказиб берувчи “Новая почта” компанияси, "Vodafone" уяли алоқа оператори ва "Sence Банк" муаммоларга дуч келмоқда.
Японияда "МакДоналдс" тез овқатланиш тармоғи мижозлари буюртма бера олмайди ёки карта орқали тўлай олмайди. Корхоналарнинг учдан бир қисми ишламай қолган, фақат бир нечтаси нақд пулни қабул қилади.
Буюк Британияда "Sky News" жонли эфирга чиқа олмади. Ва энг йирик поезд оператори "Govia Thameslink Railway" поездлар бекор қилиниши мумкинлиги ҳақида огоҳлантирди. Муваффақиятсизлик умумий тиббиёт муассасалари ишига ҳам таъсир қилди.
"Microsoft" жавоби
"Microsoft" зарур чораларни кўраётганини айтди.
"Бизнинг хизматларимиз барқарорлаштириш чораларини кўришда давом этар экан, ҳали ҳам яхшиланишларга дуч келмоқда", - деди компания Х ижтимоий тармоқдаги постида.
"Microsoft Azure" булутли платформаси, ўз навбатида, мижозлар фойдаланиши мумкин бўлган муқобил вариантларни кўриб чиқаётганини хабар қилди.
Россиядаги вазият
Россияда аэропортларда тизимнинг носозликлари ҳақида хабарлар бўлмаган, дея таъкидлади Рақамли ривожланиш вазирлиги.
"Microsoft" билан боғлиқ вазият, биринчи навбатда, муҳим ахборот инфратузилмаси объектларида хорижий дастурий таъминотни импорт ўрнини босиш муҳимлигини яна бир бор кўрсатади", - деб таъкидлади департамент.
"Red Wings Airlines" изоҳига кўра, Россия авиаташувчиларига носозлик таъсир кўрсатмаган, чунки улар Украинада махсус операция бошланганидан кейин глобал тизимлардан узилганлиги сабабли ички бронь қилиш тизимига ўтишган.
Москванинг Шереметьево ва Домодедово аэропортларида ҳам муаммо йўқ. Хусусан, Домодедовода улар ўз ҳамкорларига бутунлай русча бўлган "Астра" захира рўйхатга олиш тизимини таклиф қилишга тайёр эканликларини маълум қилишди.
Носозлик Россия атом электр станцияларининг ишлашига таъсир қилмади. "Росэнергоатом" импортдан мустақил дастурий таъминот устида ишлаётганини таъкидлади.
