ЕИК илк бор “Иннопром” халқаро кўргазмасида ўз стенди билан иштирок этмоқда
© ЕЭК
Oбуна бўлиш
Екатеринбургда бўлиб ўтаётган “Иннопром” халқаро кўргазмасида ЕИК саноат ва агросаноат мажмуаси вазири Гоар Барсегян иштирок этди.
TOШКЕНТ, 10 июл — Sputnik. Евроосиё иқтисодий комиссияси (ЕИК) илк бор “Иннопром” халқаро кўргазмасида ўз стенди билан иштирок этмоқда, дея хабар берди комиссия матбуот хизмати.
Екатеринбургда бўлиб ўтаётган “Иннопром” халқаро кўргазмасида ЕИК саноат ва агросаноат мажмуаси вазири Гоар Барсегян иштирок этди.
“Иннопром” халқаро кўргазмасида ЕИК саноат ва агросаноат мажмуаси вазири Гоар Барсегян иштирок этди.
© ЕЭК
Тадбирнинг расмий қисмида Беларусь, Қирғизистон, Россия ҳукумат раҳбарлари ва ЕИК вазири “Трансмашхолдинг” АЖ иштирокидаги ҳамкорлик лойиҳасини муҳокама қилди. Томонлар ЕОИИда саноат кооперациясини молиялаштириш механизми доирасида янги ишлаб чиқариш занжирини ишга тушириш бўйича келишиб олишди.
“Кўргазмада илк бор комиссия ўз стенди билан иштирок этмоқда, бу эса эътиборни тортди ва самарали ишбилармонлик мулоқоти учун платформага айланди”, — деди Барсегян.
Беларусь саноат вазири Александр Эфимов билан учрашувда Беларуснинг ЕОИИда электробус ишлаб чиқариш бўйича таклифи муҳокама қилинди. Пилот лойиҳа Арманистон ва Қирғизистон қизиқиш билдираётган давлатлараро дастур доирасида аллақачон амалга оширилмоқда. Вазирлар амалий жиҳатларни муҳокама қилиб, кооперацион ҳамкорликни рағбатлантириш бўйича ишларни давом эттиришга келишиб олишди.
“Иннопром” халқаро кўргазмасида ЕИК саноат ва агросаноат мажмуаси вазири Гоар Барсегян иштирок этди.
© ЕЭК
Гоар Барсегяннинг Татаристон ва Свердловск вилояти вакиллари билан ишчи учрашувларида минтақалараро ҳамкорликни кенгайтириш масалалари муҳокама қилинди. Татаристон бош вазири ўринбосари – саноат ва савдо вазири Олег Коробченко билан Евроосиё технологик платформалари орқали ҳамкорликни ривожлантириш бўйича келишувга эришилди.
Бир қатор ташаббуслар Бошқирдистон ҳукумати бош вазири Андрей Назаров томонидан ҳам илгари сурилди.
“Бошқирдистоннинг саноат кластерларини яратиш ва ривожлантириш тажрибаси алоҳида қизиқиш уйғотади – бу ерда уларнинг ўн учтаси бор. Биз бу йўналишда фаол ишлашга – ишчи гуруҳ тузишга, қўллаб-қувватлаш механизмини ишлаб чиқишга келишиб олдик”, — деди Барсегян.
Комиссия вазири ЕОИИ ва ЕИК Ишбилармонлар кенгашининг “Евроосиё иқтисодий иттифоқида саноат ҳамкорлиги: имкониятлар ва истиқболлар” қўшма мажлисида ҳам иштирок этди. Унинг сўзларига кўра, комиссия саноат ҳамкорлигини амалга оширишнинг асосий воситаларидан бири сифатида саноат кооперациясини ривожлантиришга катта эътибор қаратади.
"Урал федерал округи саноат ва инновацияларни ривожлантиришда муҳим рол ўйнайди. Айнан шу йўналишлар молиявий қўллаб-қувватлаш механизмида иштирок этиш мақсадида истиқболли лойиҳалар пулини шакллантириш учун яхши замин яратади. Бу уларнинг катта инвестиция салоҳиятига эга эканлигини англатади”, — деди у.
У, шунингдек, ўз сўзида янги воситани ҳаётга татбиқ этишда ҳудудий корхоналар фаол иштирок этишига умид билдирди.
