Боку Озарбайжон шаҳарларини Ўзбекистон ҳудудлари билан бевосита боғлашни таклиф қилди
© Sputnik / Murad Orujov
Oбуна бўлиш
Давра суҳбати иштирокчилари мамлакатлар ўртасидаги икки томонлама муносабатларнинг ривожланиши таҳлил қилишди.
TOШКЕНТ, 8 июл — Sputnik. Боку Озарбайжон шаҳарларини Ўзбекистон вилоятлари билан тўғридан-тўғри боғлашни таклиф қилди, дея хабар берди “Дунё” АА.
Ўзбекистоннинг Озарбайжондаги элчихонаси Жанубий Кавказ сиёсатшунослар клуби билан ҳамкорликда ташкил этилган “Боку ва Тошкент:” давра суҳбатида кўп қиррали ҳамкорлик, эришилган натижалар ва истиқболлар ҳақида сўз юритилди.
“Регион плюс” ахборот-таҳлилий журнали бош муҳаррири ўринбосари Элчин Гусейновнинг таъкидлашича, икки давлат ҳудудида дунёнинг турли бурчакларидан сайёҳларни ўзига тортадиган тарихий обидалар мавжуд. Бу борада Ўзбекистон ва Озарбайжоннинг сайёҳлик салоҳиятини намойиш этиш борасидаги саъй-ҳаракатларни ҳам кучайтириш зарур.
Учрашувнинг асосий мавзулари: сиёсий муносабатлар ва олий даражадаги махфий мулоқот стратегик шериклик ривожининг асосий омили сифатида, мамлакатлар ўртасидаги сармоявий, савдо-иқтисодий алоқалар, ўзаро ҳамкорликнинг янги механизмлари, иқтисодий ва маданий-гуманитар ҳамкорликни ривожлантиришнинг устувор йўналишлари.
Уларда Ўзбекистоннинг саноат, ишлаб чиқариш ва сармоявий салоҳияти, хусусан, Ўзбекистон-Озарбайжон сармоявий компаниясининг Тошкент шаҳридаги фаолияти муҳокама қилинди.
“Озарбайжон ва Ўзбекистон ўртасидаги иқтисодий ҳамкорлик кўплаб соҳаларда, жумладан, энергетика, автомобилсозлик, фармакология, молия каби соҳаларда катта истиқболга эга. Алоқалар нафақат иқтисодиётда, балки халқаро сиёсий ташкилотлар доирасида ҳам ривожланмоқда. Ўзбекистонда муқобил электр энергияси ва уни ишлаб чиқариш учун бутловчи қисмларни экспорт қилиш учун катта имкониятлар мавжуд”, – деди Озарбайжон Фан ва таълим вазирлиги Иқтисодиёт институти етакчи илмий ходими Эмин Маммадзаде.
Ўз навбатида, Масофавий, сиртқи ва узлуксиз таълим марказининг қўшимча таълим департаменти директори Эмин Гарибли фикрича, "глобал дунёда мамлакатларнинг биргаликдаги саъй-ҳаракатларисиз ҳеч нарсага эришиб бўлмайди". Унинг сўзларига кўра, Боку ва Тошкентнинг иқтисодий соҳада яқинлашишига имкон берувчи омиллардан бири этникдир.
“Бундан ташқари, икки мамлакат иқтисодий интеграциясининг муҳим омили давлат раҳбарларининг сиёсий иродаси ва шунга ўхшаш сиёсатдир. Шундай қилиб, Ўзбекистон президенти ижтимоий йўналтирилган сиёсат олиб бормоқда. Озарбайжон президенти ҳам шундай сиёсат олиб бормоқда. Шундай қилиб, ижтимоий ривожланиш Озарбайжон ва Ўзбекистон ички бозорида аҳолининг тўлов қобилиятининг ошиши ҳисобига талабнинг ошишига олиб келади. Шу билан бирга, Ўзбекистоннинг географик жойлашуви ва Осиёнинг ривожланаётган мамлакатларига яқинлиги унинг иқтисодиётини ҳам фаол ривожлантириш имконини беради”, — деди у.
STEM таҳлилий маркази директори Орхан Ёлчуев Озарбайжон ва Марказий Осиё давлатлари, хусусан, “халқаро ахборот, ижтимоий-сиёсий соҳада тобора кўпроқ иштирок этаётган” Ўзбекистон билан ҳамкорлик ривожланаётганини олқишлади.
